Upprifjunar­spurningar

Nefndu dæmi um breytingar stjórnvalda á útgjöldum og sköttum alríkisins sem teljast ríkisfjármálastefna og dæmi um breytingar sem teljast ekki til hennar.

Hafa útgjöld og skattar alríkis Bandaríkjanna almennt farið hækkandi eða lækkandi undanfarna áratugi?

Hverjir eru helstu útgjaldaflokkar alríkis Bandaríkjanna?

Hver er munurinn á fjárlagahalla, hallalausum fjárlögum og fjárlagaafgangi?

Hafa útgjöld og skattar fylkja og sveitarfélaga í Bandaríkjunum almennt farið hækkandi eða lækkandi undanfarna áratugi?

Hverjir eru helstu skattflokkar alríkis Bandaríkjanna?

Hver er munurinn á stighækkandi skatti, hlutfallslegum skatti og stiglækkandi skatti?

Hvernig hefur fjárlagahalli Bandaríkjanna almennt þróast undanfarna áratugi?

Hver er munurinn á fjárlagahalla og ríkisskuldum?

Hver er munurinn á þensluhvetjandi ríkisfjármálastefnu og aðhaldssamri ríkisfjármálastefnu?

Við hvaða almennu þjóðhagsaðstæður gætu stjórnvöld beitt þensluhvetjandi ríkisfjármálastefnu? Hvenær gætu þau beitt aðhaldssamri ríkisfjármálastefnu?

Hver er munurinn á óreglubundnum ríkisfjármálaaðgerðum og sjálfvirkum sveiflujöfnurum?

Hvers vegna virka sjálfvirkir sveiflujafnarar „sjálfkrafa“?

Hvað er hagsveifluleiðrétt afkoma fjárlaga?

Hvaða hagnýtu veikleikar fylgja óreglubundnum ríkisfjármálaaðgerðum?

Hvaða rök mæla með og á móti kröfu um að fjárlög alríkisins séu hallalaus á hverju ári?