88 Markaðssetning og sala í frumkvöðlastarfi

Lykilhugtök

Lykilhugtök

auglýsingar: fjöldamiðlun sem gerir fyrirtækjum kleift að ná til fjölda fólks með sjónvarpi, útvarpi, dagblöðum, internetinu, tímaritum og útiauglýsingum

vörumerki: sú ímynd sem fyrirtæki byggir upp og þau hugrenningatengsl sem það vill að neytendur myndi við fyrirtækið og vörur þess

stuðningsaðili vörumerkis: einstaklingur sem hefur dálæti á vörum fyrirtækis og mælir með þeim við aðra

vörumerkjastefna: sú ímynd sem fyrirtæki miðlar til viðskiptavina sinna

vöndlun: vörupakki sem seldur er með afslætti til að hvetja viðskiptavini til að kaupa margar vörur í einu

orsakarannsókn: greining orsakatengsla milli tveggja eða fleiri breyta

sölulok: það stig söluferlisins þar sem sölufulltrúinn biður viðskiptavininn að ganga frá kaupunum og lýkur sölunni

samvalsgreining: könnunaraðferð þar sem svarendur raða, velja eða meta fjölda samsettra eða tengdra eiginleika eða kosta

verðlagning byggð á kostnaði: einfaldasta verðlagningaraðferðin, þar sem álagningu er bætt við framleiðslukostnað vöru til að skapa hagnað

verðlagning eftir greiðsluvilja viðskiptavina: verðlagning sem miðast við það sem viðskiptavinurinn er tilbúinn að greiða

stafræn markaðssetning: markaðssetning á netinu

beinpóstur: bein samskipti við neytendur með tölvupósti eða prentuðu efni sem sent er í pósti

frumkvöðlamarkaðssetning: safn óhefðbundinna aðferða sem getur hjálpað sprotafyrirtækjum og yngri fyrirtækjum að lifa af á samkeppnismörkuðum

þjóðfræðileg rannsókn: bein athugun á rannsóknarviðfangi með því að dvelja í umhverfi þess

stjórnendasamantekt: upphafshluti viðskiptaáætlunar sem dregur saman meginatriði áætlunarinnar í heild

leiðangursmarkaðssetning: markaðssetning sem miðar að því að færa rótgróin fyrirtæki og vörur þeirra inn á nýja markaði og markaðssvæði

rýnihópur: hópur, yfirleitt sex til tólf þátttakendur, sem kemur saman til að ræða viðfangsefni undir stjórn umræðustjóra sem leggur venjulega fram spurningar og safnar eigindlegum gögnum til að svara rannsóknarspurningum eða afmarka rannsóknina nánar

skæruliðamarkaðssetning: skapandi markaðsaðferðir sem leitast við að ná sem mestri athygli með óhefðbundnum leiðum

kynningartilboð: notkun lægra upphafsverðs til að laða að nýja viðskiptavini og byggja upp viðskiptavinahóp áður en verð færist aftur í venjulegt horf

auglýsingastef: stutt lag eða hljóð sem auðkennir vöru eða fyrirtæki og stuðlar að kynningu þess

verðlagning aðdráttarvöru: notkun verðs undir venjulegu marki til að laða að viðskiptavini í von um að þeir kaupi jafnframt aðrar og arðbærari vörur eða þjónustu

markaðsgreining: greining á heildaráhuga markhóps innan atvinnugreinar á vöru eða þjónustu

markaðstækifæri: óuppfyllt þörf hjá tilteknum lýðfræðilegum markhópi

markaðsrannsóknir: söfnun og greining gagna um markhóp fyrirtækis

markaðssetning: yfirhugtak yfir þá starfsemi sem fyrirtæki nota til að finna neytendur og breyta þeim í kaupendur

samval söluráða: grunnsafn mögulegra aðferða og nálgana sem markaðsfólk notar til að ná til markhópa sinna

markaðsáætlun: formlegt viðskiptaskjal sem þjónar sem leiðarvísir um hvernig fyrirtæki hyggst ná markaðs- og viðskiptamarkmiðum sínum

markaðsstefna: áætlun fyrirtækis um hvernig það nær til neytenda og breytir þeim í greiðandi viðskiptavini

oddatöluverðlagning: sálfræðileg verðlagning þar sem oddatölur eru notaðar í verði til að gera það meira aðlaðandi fyrir neytendur

markaðssóknarverðlagning: verðlagning sem er lægri en verð samkeppnisaðila

fólk: mannauður fyrirtækis

persónuleg sala: samskipti augliti til auglitis til að miðla upplýsingum og hafa áhrif á viðskiptavin með það að markmiði að hvetja til kaupa

áþreifanlegt umhverfi: staður þar sem þjónusta er veitt eða vara framleidd

vettvangur: dreifingarleiðir eða staðir, áþreifanlegir eða stafrænir, þar sem viðskiptavinir geta nálgast vörur

staðfærsla: staðhæfing, eða virðistilboð, um það hvernig fyrirtæki vill að viðskiptavinir skynji það, vöru þess eða þjónustu

háverðsstefna: verðlagning yfir verði samkeppnisaðila

verð: það verðmæti sem viðskiptavinur þarf að láta af hendi til að fá vöru eða þjónustu

frumrannsóknir: rannsóknir sem fela í sér söfnun nýrra gagna

ferli: röð verklagsþátta og athafna sem þarf til að afhenda viðskiptavini vöruna

vara: vara eða þjónusta sem skapar virði með því að uppfylla þörf eða ósk viðskiptavinar

hagnaðarhlutfall: sá munur sem tekjur eru umfram kostnað og er yfirleitt gefinn upp sem hundraðshlutfall

vegsauki: ferli sem miðlar virði til viðskiptavina með þeim hætti að það hvetur þá til kaupa

almannatengsl: markaðsstarf sem leggur áherslu á tengsl við hagsmunaaðila með því að byggja upp velvild

eigindleg rannsókn: notkun opinna aðferða, svo sem athugana, rýnihópa og viðtala, til að öðlast skilning á undirliggjandi ástæðum, skoðunum og hvötum viðskiptavina

megindleg rannsókn: öflun tölulegra gagna með aðferðum á borð við kannanir og spurningalista

rauntímamarkaðssetning: markaðssetning sem leitast við að breyta sölugögnum sem liggja þegar fyrir í markvissar og tímanlegar aðgerðir sem taka mið af síbreytilegum smekk og þróun neytenda

tengslamarkaðssetning: markaðssetning sem stuðlar að tryggð viðskiptavina með persónulegum samskiptum og miðar að langtímatengslum

söluhvatar: hvatar á borð við afsláttarmiða og afslætti sem laða að viðskiptavini og hvetja þá til aðgerða

sölustefna: áætlun sem frumkvöðull notar til að finna neytendur og ná til þeirra, allt frá leit að vænlegum viðskiptavinum þar til sala er tryggð og áfram eftir hana

úrtak: hópur fólks sem tekur þátt í markaðsrannsóknum

rannsókn á fyrirliggjandi gögnum: rannsókn sem nýtir gögn sem þegar liggja fyrir

markaðshlutun: skipting heildarþýðis í einsleita hópa fólks sem hefur svipaðan smekk, bakgrunn, lífsstíl, lýðfræðileg einkenni og menningu

þjónustanlegur markaður (SAM): sá hluti markaðarins sem fyrirtæki getur þjónað með hliðsjón af vörum sínum, þjónustu og staðsetningu

aðstæðugreining: skoðun á innri og ytri aðstæðum sem varða tiltekið fyrirtæki

rjómafleytingarverðlagning: háverðsstefna sem nýtir nýnæmi vöru til að ná sem mestum hagnaði í upphafi sölu

samfélagsmiðlar: samskiptatæki á netinu sem frumkvöðlar nota til að tengjast neytendum, einkum fólki í yngri aldurshópum

slaglína: stutt og grípandi staðfærslusetning sem miðlar kjarnaþætti vörumerkisins fljótt til neytandans

markhópur: tiltekinn hópur neytenda sem fyrirtæki leitast við að bjóða vöru eða þjónustu

markhópsval: val á hópi viðskiptavina með hliðsjón af kaupgetu hans og kaupvilja

heildarmarkaður (TAM): öll áætluð eftirspurn eftir vöru eða þjónustu á markaðnum

staðfesting: það að sannreyna að vara geti náð árangri gagnvart markhópi

veirumarkaðssetning: markaðssetning sem notar áhugavert efni í von um að áhorfendur deili því í eigin tengslanetum og á samfélagsmiðlum

markaðssetning með persónulegum meðmælum (WOM): vegsauki sem felst í því að ánægður viðskiptavinur segir öðrum frá jákvæðri reynslu sinni af vöru eða þjónustu