Tilviksspurningar

Claire er ung listakona sem hefur ákveðið að selja málverk sín til að afla tekna meðan hún lýkur háskólanámi. Hún veit lítið um kynningu á verkum sínum, einkum eftir stafrænum leiðum. Þar sem þú stundar viðskiptanám hefur hún leitað ráða hjá þér um hvernig hún geti kynnt verk sín fyrir ungu fagfólki sem boðskapur hennar í listaverkunum gæti veitt innblástur. Lýstu tvenns konar kynningarverkfærum sem hún getur notað til að ná til viðskiptavinanna sem hún vill höfða til.

Þú hefur nýlega tekið við starfi markaðsstjóra á litlu hönnunarhóteli í San Diego. Hótelið er einstakt sinnar tegundar og tilheyrir ekki hótelkeðju. Þar eru aðeins 50 herbergi sem hafa verið vandlega hönnuð fyrir yngri, óhefðbundinn, hönnunarsinnaðan og tekjuhærri markhóp. Eigandinn þarf aðstoð við verðlagningu herbergja og annarrar þjónustu hótelsins (sjá hér á eftir). Ákveddu hvaða verðlagningaraðferð þú myndir nota fyrir hvern lið, til dæmis verðlagningu eftir greiðsluvilja viðskiptavina, byggða á kostnaði eða verði samkeppnisaðila eða háverðsstefnu, og útskýrðu hvers vegna. Skoðaðu ef þörf krefur atvinnugreinaskýrslur um verðlagningu hótelþjónustu og mettu hvort þú ættir að fylgja sömu leið eða reyna aðra nálgun.

1. Herbergisverð (á virkum dögum og um helgar)
2. Veitingar á veitingastað
3. Bílastæði
4. Aðgangur að interneti og kvikmyndum

Samnemandi þinn vill opna heimsendingarþjónustu fyrir mat í bænum. Þjónustan myndi gera fólki kleift að panta hádegis- eða kvöldverð frá veitingastöðum af lista í smáforriti. Hún er á fyrstu stigum greiningarinnar og leitar ráða hjá þér um mögulegar gagnaheimildir. Á hvaða heimildir myndir þú benda henni og hvers vegna?

Samnemandi þinn opnaði nýlega líkamsræktarstöð á vaxandi svæði þar sem margt fagfólk starfar. Hún er reyndur þjálfari en hefur litla reynslu af rekstri. Hún biður þig um aðstoð við að afmarka tiltekinn markhóp. Kynntu STP-ferlið fyrir henni.

Skoðaðu núverandi vef Birchbox, kynningar fyrirtækisins á netinu, samfélagsmiðla, netauglýsingar og allt sem þú finnur um stafrænar markaðsaðferðir þess. Hverju myndir þú bæta við eða fella brott úr núverandi starfsemi ef þú bærir ábyrgð á stafrænni markaðssetningu Birchbox?

Skoðaðu vef Method á https://methodhome.com/ og lýstu öllum þáttum vörumerkisins sem fyrirtækið notar til að staðfæra vörur sínar sem bestu hreinsivörurnar á Bandaríkjamarkaði.

Þú ert nýlega orðinn birgir þungavinnuvéla fyrir verksmiðjur sem framleiða bifreiðaíhluti. Þú hefur fengið einn viðskiptavin og vilt bæta fleiri við á næstu þremur mánuðum. Hvernig myndir þú standa að leit að vænlegum viðskiptavinum?