77 Líkindafræði

Verkefni

Tvíkostadreifing er eitt margra dæma um strjála líkindadreifingu. Önnur dæmi eru rúmfræðileg dreifing, happdrættisdreifing, margkostadreifing, Poisson-dreifing og neikvæð tvíkostadreifing. Veldu eina þessara dreifinga og rannsakaðu hvað greinir hana frá tvíkostadreifingu. Við hvaða aðstæður á hún við og hvernig er hún notuð? Þegar þú hefur áttað þig á notkun hennar skaltu semja fimm spurningar á borð við þær í kaflanum sem svara má með dreifingunni og finna svörin.
Enska orðið binomial kemur einnig fyrir í algebru og lýsir margliðu með tveimur liðum, það er tvíliðu. Við fyrstu sýn virðist fátt tengja þessa merkingu orðsins við tvíkostadreifingu en samband er þar á milli. Rannsakaðu tengsl tvíkostadreifingar og tvíliðaútvíkkunar í algebru, það er að margfalda upp stæður á borð við ${(x + y)}^{n}$ (x+y)^n þar sem $n$ n er jákvæð heiltala. Leitaðu einnig að tengslum við þríhyrning Pascals.
Hazard er teningaleikur sem nefndur er í Kantaraborgarsögum Chaucers. Hann var vinsælt happspil á krám og kaffihúsum langt fram á 18. öld. Þar sem hann var vinsæll þegar líkindafræðin varð til var hann oft notaður sem dæmi í fyrstu ritum um væntigildi og líkur. Finndu leikreglurnar og æfðu þig í leiknum. Greindu síðan valkostina sem kastarinn hefur og notaðu væntigildi til að ákvarða hver þeirra er hagstæðastur.

77 Líkindafræði

Tvíkostadreifing er eitt margra dæma um strjála líkindadreifingu. Önnur dæmi eru rúmfræðileg dreifing, happdrættisdreifing, margkostadreifing, Poisson-dreifing og neikvæð tvíkostadreifing. Veldu eina þessara dreifinga og rannsakaðu hvað greinir hana frá tvíkostadreifingu. Við hvaða aðstæður á hún við og hvernig er hún notuð? Þegar þú hefur áttað þig á notkun hennar skaltu semja fimm spurningar á borð við þær í kaflanum sem svara má með dreifingunni og finna svörin.
Enska orðið binomial kemur einnig fyrir í algebru og lýsir margliðu með tveimur liðum, það er tvíliðu. Við fyrstu sýn virðist fátt tengja þessa merkingu orðsins við tvíkostadreifingu en samband er þar á milli. Rannsakaðu tengsl tvíkostadreifingar og tvíliðaútvíkkunar í algebru, það er að margfalda upp stæður á borð við ${(x + y)}^{n}$ (x+y)^n þar sem $n$ n er jákvæð heiltala. Leitaðu einnig að tengslum við þríhyrning Pascals.
Hazard er teningaleikur sem nefndur er í Kantaraborgarsögum Chaucers. Hann var vinsælt happspil á krám og kaffihúsum langt fram á 18. öld. Þar sem hann var vinsæll þegar líkindafræðin varð til var hann oft notaður sem dæmi í fyrstu ritum um væntigildi og líkur. Finndu leikreglurnar og æfðu þig í leiknum. Greindu síðan valkostina sem kastarinn hefur og notaðu væntigildi til að ákvarða hver þeirra er hagstæðastur.