Inngangur

Önnur iðnbyltingin, sem hófst á síðari hluta nítjándu aldar og stóð til upphafs fyrri heimsstyrjaldar, hafði ekki aðeins í för með sér þá efnahagsþróun sem fjallað var um í kaflanum Útþensla á iðnaðaröld. Hún umbylti jafnframt hagkerfum ríkja og alþjóðaviðskiptum og breytti með afgerandi hætti því hvernig fólk lifði og starfaði. Vinnustaðir, heimili og borgir tóku stakkaskiptum, sem og afþreying, listir og bókmenntir. Jafnvel fjölskyldulíf tók verulegum breytingum. Í þessum kafla er sjónum beint að þeim félagslegu og menningarlegu umbreytingum sem fylgdu tækninýjungum nítjándu aldar og fyrstu ára þeirrar tuttugustu.