Formáli
Formáli
Um OpenStax
OpenStax er hluti af Rice University, sem er góðgerðarstofnun sem ekki er rekin í hagnaðarskyni samkvæmt 501(c)(3)-ákvæði bandarískra skattalaga. Markmið okkar er að gera framúrskarandi menntun aðgengilega öllum. Með samstarfi við góðgerðarsamtök og önnur fyrirtæki sem útvega námsefni vinnum við að því að ryðja algengustu hindrunum í námi úr vegi. Við trúum því að öll eigi að geta fengið aðgang að þekkingu.
Um námsefni OpenStax
Aðlögun
Mannkynssaga er gefin út með leyfinu Creative Commons Attribution-NonCommercial-ShareAlike 4.0 (CC BY NC-SA). Það þýðir að heimilt er að dreifa efninu, endurvinna það og byggja á því í óviðskiptalegum tilgangi, enda sé OpenStax og þeim sem lögðu til efni getið og öllum afleiddum verkum dreift samkvæmt sama leyfi.
Þar sem bækur okkar eru gefnar út með opnu leyfi er þér frjálst að nota bókina í heild eða velja aðeins þá hluta sem best henta þörfum námskeiðsins. Þú getur raðað efninu að vild með því að fela nemendum í kennsluáætluninni að lesa ákveðna kafla og hluta í þeirri röð sem þú kýst. Þú getur jafnvel sett beinan tengil í kennsluáætlunina á hluta í vefútgáfu bókarinnar.
Kennarar geta einnig búið til sérsniðna útgáfu af OpenStax-bókinni. Nemendur geta nálgast sérsniðnu útgáfuna á prenti eða stafrænu formi gegn vægu gjaldi í bókabúð skólans. Nánari upplýsingar eru í hlutanum Námsefni fyrir kennara á síðu bókarinnar á OpenStax.org.
Höfundar- og heimildaupplýsingar myndefnis
Í Mannkynssögu eru höfundar- og heimildaupplýsingar um myndefni, svo sem heiti þess, höfund eða rétthafa, hýsingarvettvang og leyfi, tilgreindar í myndatexta. Notendum og samtökum sem starfa ekki í viðskiptalegum tilgangi er heimilt að endurnýta myndefni með opnu leyfi, enda veiti þau sömu upplýsingar um upprunalega heimild. (Fyrirtæki og aðrir aðilar í atvinnurekstri ættu að hafa samband við OpenStax til að ræða endurnýtingarrétt og leyfisveitingar.) Til að textinn sé sem læsilegastur og flæði sem best fylgja slíkar upplýsingar ekki öllu myndefni í meginmáli. Ef þú endurnýtir myndefni úr bókinni sem engar upplýsingar fylgja skaltu nota eftirfarandi skráningu: Copyright Rice University, OpenStax, under CC BY NC-SA 4.0 license.
Leiðréttingar
Allar kennslubækur OpenStax fara í gegnum ítarlegt ritrýningarferli. Engu að síður geta villur leynst í þeim, rétt eins og í öðrum faglega unnum kennslubókum. Þar sem bækurnar eru á vefnum getum við uppfært þær reglulega þegar kennslufræðileg þörf er á því. Ef þú vilt leggja til leiðréttingu skaltu senda hana inn um tengilinn á síðu bókarinnar á OpenStax.org. Sérfræðingar á viðkomandi fagsviði fara yfir allar tillögur að leiðréttingum. OpenStax leggur áherslu á gagnsæi um allar uppfærslur og því er einnig að finna lista yfir fyrri og væntanlegar leiðréttingar á síðu bókarinnar á OpenStax.org.
Útgáfuform
Þú getur nálgast þessa kennslubók ókeypis í vefútgáfu eða á PDF-sniði á OpenStax.org og keypt prentaða útgáfu gegn vægu gjaldi.
Um Mannkynssögu
Mannkynssaga er ætluð til kennslu á báðum misserum námskeiðs í mannkynssögu við bæði tveggja ára og fjögurra ára háskóla. Námskeiðið er ætlað jafnt nemendum sem leggja stund á fagið sem aðalgrein og öðrum nemendum. Jafnframt er tekið mið af því að stofnanir gera ýmist kröfu um eitt eða tvö misseri eftir námsleið. Námskeiðið kynnir nemendum hnattrænt sjónarhorn á söguna með áhugaverðri frásögn. Hugtök og námsmat eru sett fram þannig að þau efli gagnrýna hugsun nemenda um viðfangsefni námsins, víkki sjónarhorn þeirra á mannkynssöguna og hjálpi þeim að átta sig á því hvernig námsefnið tengist lífi þeirra sem heimsborgara nú á dögum.
Textinn sýnir hvernig sögulegt efni og aðferðir sagnfræðinnar tengjast þörfum og aðstæðum samtímans. Frásögnin skýrir fyrir lesendum hvers vegna sögulegir atburðir gerðust og fólk hagaði sér eins og það gerði. Hún setur efnið jafnframt í samhengi sem vekur áhuga nemenda og sýnir mikilvægi þess. Eitt helsta markmið bókarinnar er að hafa að geyma efni, fræðilega umfjöllun og verkefni sem varpa ljósi á ólík sjónarhorn, meðal annars sjónarhorn þeirra sem hafa jafnan fengið takmarkað rými í þessari sagnfræðirithefð.
Til að nálgast söguna af yfirvegun frá hnattrænu sjónarhorni þarf að ræða með skýrum hætti þær áskoranir sem sagnfræðingar takast á við í starfi sínu. Hver kennari og hver nemandi kemur inn í kennslustofuna með hugmyndaramma sem mótar bæði þann skilning sem fyrir er og hæfnina til að skilja og meta ný sjónarhorn. Mannkynssaga leitast við að draga upp heiðarlega og trúverðuga mynd af sögunni sem nemendur geta kannað. Höfundar og ritrýnar skapa jafnvægi með því að kynna og bera saman reynslu fólks af sögunni og leggja þannig grunn að innihaldsríkri og blæbrigðaríkri umræðu. Nýjar heimildir og nýjar raddir eru fléttaðar inn í textann á vandaðan og merkingarbæran hátt. Efni úr frumheimildum endurspeglar þá menningarheima sem fjallað er um frá sjónarhóli þeirra sem upplifðu þá, þegar því verður við komið, og sýnir fjölbreytta reynslu og raddir sem undirstrika hve nátengt fólk og samfélög hafa verið í sögu mannkyns. Auk þess styrkja verk fjölbreytts hóps fræðafólks, þar á meðal fólks sem hefur fengið takmarkað rými í fræðunum, getu textans til að rúma ólíkar hugmyndir og túlkanir. Jafnframt er sjónum beint að tímabilum og stöðum sem oft fá minni umfjöllun í kennslubókum í sagnfræði. Nemendur þurfa að beita sögulega innlifun til að skilja hugsunarhátt annarra og geta þannig betur skilið, greint og metið þær breytingar sem eiga sér stað í heiminum nú á dögum.
Kennslufræðilegur grundvöllur
Námsmarkmið
Hver námseining hefst á skýrum og hnitmiðuðum námsmarkmiðum sem eru bæði mælanleg og merkingarbær. Markmiðin samræmast vel nútímalegum kennsluháttum og eiga að auðvelda kennaranum að ákveða hvaða efni skuli taka fyrir eða setja fyrir og skýra fyrir nemendum hvers vænst er að þeir læri. Að lokinni námseiningunni og verkefnunum í lok hennar eiga nemendur að geta sýnt fram á að þeir hafi náð námsmarkmiðunum.
Helstu efnisþættir
Ýmsir efnisþættir í hverjum kafla vekja áhuga nemenda á efninu og veita þeim jafnframt þjálfun í mikilvægustu aðferðum sagnfræðinnar. Þar má nefna rannsókn frumheimilda, greiningu ólíkra frásagna af atburði eða tímabili, skoðun heimilda sem ekki eru textar og könnun á því hvernig tiltekin söguleg viðfangsefni tengjast heimi samtímans.
Samantektir hluta
Samantektir draga efni hvers hluta saman í fáein skýr lykilatriði fyrir bæði nemendur og kennara.
Lykilhugtök
Lykilhugtök eru feitletruð og skilgreining fylgir í samhengi textans. Skilgreiningar lykilhugtaka eru einnig í orðasafni við lok hvers kafla og í viðauka með orðasafni fyrir bókina í heild.
Námsmat
Fjölbreytt námsmat gerir kennurum kleift að meta skilning nemenda á grunnhugtökum, fá fram stuttar útskýringar sem sýna skilning þeirra og leggja fyrir ítarlegri verkefni þar sem nemendur geta kafað dýpra í viðfangsefni eða færniþátt sagnfræðinnar.
Svör við spurningum í bókinni
Upprifjunarspurningar, spurningar úr flokknum „Kannaðu skilning þinn“ og ígrundunarspurningar í lok kafla eru ætlaðar sem heimaverkefni eða umræðuefni í kennslustund. Því eru svör fyrir nemendur ekki birt í bókinni. Svör og sýnissvör eru að finna í svarleiðbeiningum kennara og geta kennarar miðlað þeim til nemenda að eigin mati, eins og almennt tíðkast um slíkt efni.
Um höfunda
Aðalhöfundar
Ann Kordas, Johnson & Wales University.
Ann Kordas er með doktorspróf í sagnfræði frá Temple University og JD-próf frá Boston University School of Law. Hún er prófessor við hugvísindadeild Johnson & Wales University og kennir þar námskeið í sögu Bandaríkjanna, mannkynssögu, sögu Atlantshafssvæðisins og sögu Kyrrahafssvæðisins. Rannsóknaráhugi hennar beinist einkum að menningarsögu og kynjasögu.
Ryan J. Lynch, Columbus State University.
Dr. Ryan J. Lynch er dósent í sögu hins íslamska heims og aðstoðarforseti Honors College við Columbus State University í Columbus í Georgíu. Hann er sérfræðingur í sögu íslams fyrir nýöld og lauk DPhil- og MPhil-prófi í íslamsfræðum og sagnfræði við University of Oxford, MLitt-prófi í sögu og tungumálum Mið-Austurlanda við University of St Andrews og BA-prófi í sagnfræði og trúarbragðafræði við Stetson University. Rannsóknir dr. Lynch beinast einkum að fyrstu landvinningum múslima, útbreiðslu íslams í Mið-Austurlöndum, myndun íslamskra ríkja og arabískri sagnaritun. Hann hefur einnig vaxandi áhuga á því hvernig hryðjuverkasamtök nútímans vísa til ímyndaðrar íslamskrar fortíðar til að réttlæta öfgaskoðanir sínar. Hann er höfundur verðlaunabókarinnar Arab Conquests and Early Islamic Historiography (I.B. Tauris, 2020).
Brooke Nelson, áður við California State University.
Brooke Nelson er námskrárstjóri hjá Marco Learning, menntatæknifyrirtæki sem vinnur að því að gera framúrskarandi námsefni aðgengilegt öllum nemendum. Áður kenndi hún við California State University, Dominguez Hills og Marymount California University. Uppáhaldsnámskeið hennar voru Mannkynssaga, Dauðinn og dauðleikinn og Inngangur að vestrænni siðmenningu, enda gáfu þau henni færi á að miðla áhuga sínum á sagnfræði til bæði nemenda í faginu og annarra nemenda. Rannsóknir hennar beinast að síðari hluta sögu Rómaveldis, með sérstakri áherslu á trúarátök og kynjafræði. Hún er með doktorspróf frá Claremont Graduate University og meistaragráður frá University of California, Irvine og University of Edinburgh.
Julie Tatlock, Mount Mary University.
Dr. Julie C. Tatlock veitir Department of Justice, Sociology and History við Mount Mary University í Milwaukee í Wisconsin forstöðu. Rannsóknaráhugi hennar nær til mannkynssögu, kynjasögu, sögu Bretlands og kennslufræði staðkennslu og netkennslu. Meðal nýlegra rita hennar eru Shaping Online Spaces Through Online Humanities Curricula (IGI Global, 2023), “The Original Order of Things” (Lutheran Journal of Ethics, 2020) og “Enhancing Student Engagement Online: Creative Pedagogy in the Digital World” (IGI Global, 2019). Hún hefur brennandi áhuga á nýsköpun í kennslu og námi og á því að gera háskólamenntun aðgengilega öllum nemendum.
Meðhöfundar
Chris Bingley, UCLA
Celeste Chamberland, Roosevelt University
Scott Corbett, Ventura College
Rick Gianni, Grand Canyon University
Jennifer Lawrence, Tarrant County College
Jamie McCandless, Kennesaw State University
Cristina Mehrtens, University of Massachusetts Dartmouth
Anthony Miller, Hanover College
Abigail Owen, Carnegie Mellon University
David Price, Santa Fe College
Kim Richardson, University of South Carolina Lancaster
Christopher S Rose, Our Lady of the Lake University
Joseph Snyder, Southeast Missouri State University
Christopher Thrasher, National Park College
David Toye, Northeast State Community College
Alexander Wathen, University of Houston-Downtown
Grace Hunt Watkinson, Kennesaw State University
Joel Webb, Auburn University
Ritrýnar
Wayne Ackerson, Georgia Gwinnett College
Jonathan Allen, University of Maryland, College Park
Milan Andrejevich, Ivy Tech Community College
Maria Arbelaez, University of Nebraska Omaha
John Bertalan, University of South Florida
Robert Bond, MiraCosta College
Wesley Borucki, Palm Beach Atlantic University
Ken Bridges, South Arkansas Community College
Michael Burchett, Ohio Christian University
William Burns, The George Washington University
Matthew Byron, Young Harris College
Robert Caldwell, University at Buffalo
Elaine Carey, Purdue University Northwest
Katherine Clark Walter, The College at Brockport
Melanie Cochran, Volunteer State Community College
Melissa Daggett, San Jacinto College
Sharon Deubreau, Rhodes State College
Charles deWitt, Belhaven University
Sherrie Dux-Ideus, Central Community College
Mark Ellingson, Interdenominational Theological Center
Ronald Eydenberg, Middlesex Community College
Bryan Gibbs, Dallas College
Lela Gibson, Santiago Canyon College
Travis Grasser, Collin College
Chris Gratien, University of Virginia
Matthew Hacholski, Seward County Community College
Brian Harding, Mott Community College
Paul Harvey, Steilacoom Historical School District No. 1
David Head, University of Central Florida
Catherine Holden, Stevenson University
Christopher Jackson, De Anza College
Lesley Kauffman, San Jacinto College
Mark Klobas, Scottsdale Community College
Jennifer Lang, Delgado Community College
Ira Lovitch, Mount St. Mary’s University
Paul Lubienecki, Chautauqua Institution
Senya Lubisich, Citrus College
John Lund, Keene State College
Jodie Mader, Thomas More University
Michael Mangus, The Ohio State University at Newark
Nicky Kay Michael, Bacone College
Charlotte Miller, Middle Georgia State University
Brandon Morgan, Central New Mexico Community College
Phil Nash, The Pennsylvania State University
Caryn Neumann, Miami University
Kenneth Orosz, SUNY Buffalo State College
Lisa Ossian, Des Moines Area Community College
Tao Peng, Minnesota State University, Mankato
Janet Rankin, Oregon State University
Jason Ripper, Everett Community College
Maria Ritzema, College of DuPage
Lomarsh Roopnarine, Jackson State University
James Ross-Nazzal, Houston Community College
Kimlisa Salazar Duchicela, Pima Community College
Greg Sanford, MCC Penn Valley
Leah Seabook-Rocha, Central Texas College
Julia Sloan, Curry College
Steven Smith, Fullerton College
Mary Sommar, Millersville University
Ralph Sonenshine, American University
David Stefancic, Saint Mary’s College, Notre Dame, IN
Bianka Stumpf, Central Carolina Community College
Deborah Vess, East Georgia State College
Paul Vickery, Oral Roberts University
Christopher Ward, Clayton State University
Laura Wood, Tarrant County College
Clinton Young, University of Arkansas at Monticello
Viðbótarefni
Námsefni fyrir nemendur og kennara
Við höfum tekið saman viðbótarefni fyrir bæði nemendur og kennara, meðal annars leiðbeiningar um fyrstu skrefin, svarleiðbeiningar kennara, spurningabanka og glærur með myndefni. Aðgangur að efni fyrir kennara krefst staðfests kennarareiknings sem hægt er að sækja um þegar þú skráir þig inn eða stofnar reikning á OpenStax.org. Nýttu þetta efni sem viðbót við OpenStax-bókina þína.
Svarleiðbeiningar kennara. Hver hluti leiðbeininganna er hannaður til að veita kennurum sem besta leiðsögn um hvernig miðla megi efninu á áhugaverðan og lifandi hátt.
Spurningabanki. Með nærri 1,300 matsatriðum í báðum bindum Mannkynssögu geta kennarar sérsniðið próf að fjölbreyttum markmiðum námskeiða. Í spurningabankanum eru yfirferðarspurningar (fjölvalsspurningar, auðkenningarspurningar, eyðufyllingar og rétt/rangt-spurningar), stuttar svarspurningar og lengri ritspurningar sem meta þekkingu og hæfni nemenda á ólíkum stigum. Spurningabankinn er fáanlegur á Word-sniði.
Fyrirlestrarglærur í PowerPoint. Á PowerPoint-glærunum eru námsmarkmið, myndir og lýsingar, áherslur efnisþátta og umræðuspurningar sem kennarar geta haft til hliðsjónar þegar þeir undirbúa fyrirlestra sína.
Akademísk heilindi
Akademísk heilindi stuðla að trausti, skilningi, jafnræði og raunverulegu námi. Þótt nemendur geti staðið frammi fyrir verulegum áskorunum í námi og einkalífi mun það að vinna verkefnin sjálfir og gæta mikils heiðarleika í vinnubrögðum leiða til árangurs sem hefur raunverulegt gildi og nýtist langt fram yfir háskólaárin. Kennarar, stjórnendur, þeir sem útvega námsefni og nemendur ættu að vinna saman að sanngjörnu og jákvæðu námsumhverfi.
Við vitum að það gagnast nemendum þegar grundvallarreglur um akademísk heilindi eru settar snemma á námskeiðinu. OpenStax hefur því útbúið gagnvirkt verkefni til stuðnings umræðum um akademísk heilindi á námskeiðinu.
Hjá OpenStax vinnum við einnig að þróun efnis sem styður við raunverulega námsreynslu og námsmat. Skoðaðu síðu bókarinnar til að fylgjast með nýjungum. Við mælum eindregið með vef International Center for Academic Integrity (ICAI), https://academicintegrity.org/, ef þú vilt kynna þér ítarlega aðferðir til að stuðla að akademískum heilindum.
Samfélagsmiðstöðvar
OpenStax er í samstarfi við Institute for the Study of Knowledge Management in Education (ISKME) um að bjóða upp á samfélagsmiðstöðvar á OER Commons. Þar geta kennarar deilt ókeypis efni sem samfélagið hefur búið til til stuðnings OpenStax-bókum. Í samfélagsmiðstöðvunum geta kennarar hlaðið upp eigin efni eða sótt efni til notkunar á námskeiðum sínum, þar á meðal ýmiss konar viðbótarefni, kennsluefni, margmiðlunarefni og annað viðeigandi námsefni. Við hvetjum kennara til að ganga í þær miðstöðvar sem tengjast best kennslu þeirra og rannsóknum. Þannig gefst þeim bæði kostur á að auðga námskeið sín og eiga samskipti við aðra kennara. Samfélagsmiðstöðvarnar má finna á www.oercommons.org/hubs/openstax.
Tæknisamstarfsaðilar
Tæknisamstarfsaðilar okkar vinna með okkur að því að gera vandað námsefni aðgengilegt og bjóða valfrjáls verkfæri sem tengd eru OpenStax-bókum og fást gegn vægu gjaldi. Til að skoða tæknilausnir sem standa til boða fyrir bókina skaltu fara á síðu hennar á OpenStax.org.