Beitingar- og ígrundunarspurningar

Bætti iðnvæðingin lífskjör verkalýðsstéttarinnar á heildina litið eða gerði hún þau verri? Hvers vegna?

Hvernig voru aðstæður verkafólks á nítjándu öld í samanburði við þær aðstæður sem verkafólk býr við nú á dögum? Eru vandamálin þau sömu eða ólík? Ef þau eru ólík, hvernig þá?

Telur þú að kostir borgarlífs á nítjándu öld hafi á heildina litið vegið þyngra en ókostirnir eða öfugt? Hvers vegna?

Er borgarlíf betra nú á dögum en það var undir lok nítjándu aldar? Hvers vegna eða hvers vegna ekki?

Hvernig voru kjör fólks sem leyst var úr þrældómi í Bandaríkjunum undir lok nítjándu aldar í samanburði við kjör fólks annars staðar í heiminum sem bjó við svipaðar aðstæður? Eru vandamálin þau sömu eða ólík? Ef þau eru ólík, hvernig þá?

Mikið hefur verið rætt um að greiða afkomendum þrælaðra svartra Bandaríkjamanna skaðabætur, það er peningabætur, fyrir vinnu forfeðra þeirra. Telur þú að greiða eigi slíkar bætur? Hvers vegna eða hvers vegna ekki? Ættu önnur ríki þar sem þrælahald eða bændaánauð tíðkaðist að gera hið sama? Hvers vegna eða hvers vegna ekki?

Hvers vegna leggst margt fólk gegn innflutningi fólks nú á dögum? Eru ástæðurnar líkar eða ólíkar ástæðum fólks á nítjándu öld? Að hvaða leyti?

Hvaða hlutverki gegnir kynþáttur í viðbrögðum við innflytjendum nú á dögum?

Hvernig reynum við að hjálpa fátæku fólki nú á dögum? Hefur nálgun okkar breyst frá nítjándu öld? Hvað teljum við nú vera orsakir fátæktar?

Er stjórnvöldum nútímans umhugað um að vernda réttindi verkafólks? Leggja þau meiri áherslu á réttindi verkafólks eða réttindi atvinnurekenda?

Hvers konar umbótahreyfingar á vegum einkaaðila starfa nú á dögum? Hverju leitast þær við að breyta?