Verkefni

Teiknaðu sígarettumarkað í jafnvægi og gerðu ráð fyrir að engin lög banni reykingar á almannafæri. Merktu verð og magn markaðsjafnvægis sem P_m og Q_m. Bættu því sem þarf við líkanið til að sýna neikvæð ytri áhrif óbeinna reykinga. Vísbending: Í þessu tilviki eru það neytendur, ekki seljendur, sem valda ytri áhrifunum. Merktu samfélagslega hagkvæmasta verðið og magnið sem P_e og Q_e. Skyggðu svæðið sem sýnir allratapið við markaðsmagnið.

Skoðaðu töflu 12.2. Ytri viðbótarkostnaður af framleiðslu hvers ísskáps var 100 dollarar. Þegar bæði einkakostnaðurinn og ytri viðbótarkostnaðurinn voru teknir með hækkaði markaðsverðið þó aðeins um 50 dollara. Hvers vegna hækkaði verðið ekki um alla 100 dollarana?

Tafla 12.12 sýnir framboð og eftirspurn eftir trompetleik á götum úti. Q_s1 er framboðið magn þegar aðeins einkakostnaður er tekinn með en Q_s2 er framboðið magn þegar samfélagslegur kostnaður er einnig tekinn með. Hver eru neikvæðu ytri áhrifin í þessu tilviki? Finndu jafnvægisverð og -magn í báðum tilvikum. Hvernig breytast jafnvægisverð og -magn þegar ytri áhrifin eru tekin með í reikninginn?

Tafla 12.12

Borg losar nú 16 milljónir gallona (MG) af óhreinsuðu skólpi í stöðuvatn við borgina. Tafla 12.13 sýnir heildarkostnað við að draga úr skólplosuninni að mismunandi marki og heildarábatann af hreinsuninni, hvort tveggja í þúsundum dollara. Ábatinn felst meðal annars í betra umhverfi, auknum útivistarmöguleikum, bættri heilsu og meiri atvinnustarfsemi.

Tafla 12.13

1. Notaðu upplýsingarnar í töflu 12.13 til að reikna jaðarkostnað og jaðarábata borgarinnar af því að draga úr skólplosun.
2. Hvert er hagkvæmasta skólpmagn borgarinnar? Rökstyddu svarið með jaðargreiningu.

Í Hreinlandi er aðeins ein tegund mengunar og nefnist hún „sull“. Tafla 12.14 sýnir mögulegar samsetningar framleiðslu og minnkunar sulls eftir því hvaða umhverfisstefna er valin.

Tafla 12.14

1. Teiknaðu framleiðslumöguleikajaðar þar sem umhverfisgæði, mæld með hlutfallslegri minnkun sulls, eru á lárétta ásnum og framleiðslumagn er á lóðrétta ásnum.
2. Hvaða valkostir sýna framleiðsluhagkvæmni? Rökstyddu svarið.
3. Hvaða valkostir geta talist ráðstöfunarhagkvæmir? Hvaða upplýsingar þarf til að skera úr um það?
4. Er hægt að segja hvor valkosturinn sé betri, K eða L? Rökstyddu svarið.
5. Er hægt að segja hvor valkosturinn sé betri, K eða N? Rökstyddu svarið.
6. Hvorn valkostinn, L eða M, myndir þú fremur tengja við reglusetningu með boðum og bönnum og hvorn við markaðsmiðaða umhverfisstefnu? Rökstyddu svarið.