66 Aðferðir við úrlausn vandamála og greiningu þarfa
Lykilhugtök
Lykilhugtök
- aðlögunarlíkan
- aðferð við lausn vandamála í frumkvöðlastarfi þar sem leitað er lausna með reyndum aðferðum sem vitað er að skila árangri
- mat
- áfangi straumlínuferlis við lausn vandamála þar sem frumkvöðullinn gerir tilraunir með mögulegt ferli og greinir getu þess
- hugstormun
- sköpun hugmynda í umhverfi þar sem þær eru hvorki dæmdar né þeim andmælt, með það að markmiði að finna lausnir
- skýra
- fyrsta skref skapandi ferlis; felst í að greina bil milli núverandi stöðu og þeirrar stöðu sem stefnt er að
- samskiptafærni
- færni sem frumkvöðlar nota til að safna saman aðföngum og rannsaka lausnir sem leiða til nýsköpunarmiðaðrar lausnar vandamála og samkeppnisforskots
- sköpunargáfa
- þróun frumlegra hugmynda
- gagnrýnin hugsun
- ítarleg greining á vandamáli eða álitaefni með það að markmiði að leysa vandann eða taka ákvörðun
- fjöldavirkjun
- hópar leikmanna og annarra ósérfræðinga vinna saman að lausn vandamáls
- gagnagreining
- ferli þar sem gögn eru greind og sett fram þannig að unnt sé að draga af þeim nýstárlegar ályktanir
- ákveðni
- geta til að taka skjóta og árangursríka ákvörðun án óþarfa tafa
- hönnunarhugsun
- aðferð til að láta þarfir viðskiptavina stýra ákvörðunum um hönnun og þróun vöru; felur yfirleitt í sér ferli sem byggist á samkennd til að skilgreina flókin viðfangsefni og skapa lausnir á þeim
- þróa
- skref þar sem frumkvöðullinn tekur lista yfir hugmyndirnar sem hafa orðið til og prófar raunhæfi hverrar lausnar
- lausn vandamála í frumkvöðlastarfi
- ferli þar sem nýsköpun og skapandi lausnir eru notaðar til að brúa bil milli þess sem er og þess sem gæti orðið með því að leysa flókin samfélagsleg, viðskiptaleg eða tæknileg vandamál
- meta
- skref þar sem endanlega lausnin er metin
- árangursmat
- áfangi straumlínuferlis við lausn vandamála þar sem hegðun er greind til að meta árangur
- ytra umhverfi
- umhverfi utan fyrirtækisins sem nær til viðskiptavina, þróunar í atvinnugreininni og samkeppni
- lausnamót
- viðburður, yfirleitt á vegum tæknifyrirtækis eða stofnunar, þar sem forritarar og starfsfólk með annars konar sérþekkingu innan fyrirtækis, samfélags eða stofnunar vinna saman að verkefni í skamman tíma
- mannmiðuð hönnun
- hönnun og þróun þar sem fólk er í brennidepli
- móta hugmyndir
- skref skapandi ferlis við lausn vandamála þar sem frumkvöðullinn skapar hugmyndir og útfærir þær
- innleiða
- hrinda áætluninni í framkvæmd og prófa hvort hún skili árangri
- nýsköpunarlíkan
- aðferð við lausn vandamála í frumkvöðlastarfi sem notar leiðir sem markaðurinn þekkir ekki og veita fyrirtæki samkeppnisforskot
- innra umhverfi
- þættir innan fyrirtækisins, svo sem starfsfólk, innri starfshættir og ferli
- straumlínuferli
- kerfisbundið ferli sem stuðlar markvisst að stöðugum umbótum og lágmarkar sóun og ónýtt aðföng í framleiðsluferli
- vitund um þörf
- verður til þegar frumkvöðull greinir bil milli þarfa samfélags eða viðskiptavina og raunverulegra aðstæðna
- athugun
- áfangi straumlínuferlis við lausn vandamála þar sem frumkvöðullinn rannsakar viðfangsefnið og skráir alla þætti þess sem krefjast úrlausnar
- samráðsmiðaðir vandamálaleysar
- vandamálaleysar sem koma auga á vandamál og biðja aðra um hugmyndir að lausnum
- útsjónarsemi
- geta til að finna snjallar lausnir á hindrunum
- sjálfstýrðir vandamálaleysar
- vandamálaleysar sem vinna sjálfstætt án utanaðkomandi áhrifa; þeir geta komið auga á vandamál, séð strax fyrir sér mögulega lausn og hafist handa við að útfæra hana
- söguborð
- ferli þar sem hugmynd er sett fram skref fyrir skref á myndrænu sniði
- sköpunargáfa í teymum
- ferli þar sem teymi skapar óvænta lausn á vandamáli eða viðfangsefni
- kenningamiðaðir vandamálaleysar
- vandamálaleysar sem koma auga á vandamál og byrja að móta lausnaleið út frá kenningu
- kortlagning á tússtöflu
- myndræn aðferð sem gerir frumkvöðli kleift að teikna upp hvert skref ferlis og öðlast þannig yfirsýn og nákvæmari skilning á því