Inngangur

Efnisyfirlit kaflans

• 1.1 Grunnhugtök mengjafræðinnar
• 1.2 Hlutmengi
• 1.3 Venn-myndir
• 1.4 Aðgerðir á tveimur mengjum
• 1.5 Aðgerðir á þremur mengjum

Inngangur

Hugsaðu þér eldhússkúffu þar sem hnífapör eru geymd. Í skúffunni eru líklega gafflar, skeiðar og hnífar og ef til vill aðrir hlutir, svo sem kjöthitamælir og dósaopnari. Í þessu dæmi safnar skúffan hlutunum saman í einn hóp. Stök hópsins eru hinir einstöku hlutir í skúffunni, til dæmis gaffall eða skeið.

Stök mengis geta verið hvað sem er, svo sem einstaklingar, tölur eða bókstafir. Í tölfræðirannsóknum er mengi vel skilgreint safn hluta sem notað er til að afmarka allt þýðið sem rannsaka á. Í rannsókn á áhrifum nýs lyfs mætti til dæmis skipta þátttakendum í tvö mengi: þátttakendur í öðru menginu fá lyfið en þátttakendur í hinu fá lyfleysu og mynda viðmiðunarhóp. Í þessum kafla er fjallað um mengi og Venn-myndir, sem sýna með myndrænum hætti tengsl ólíkra hópa.