Samantekt

Samantekt

3.1 Að tileinka sér hagsmunaaðilanálgun

Fyrirtæki ber skyldur og ábyrgð gagnvart hverjum hagsmunaaðila. Samfélagssáttmálinn milli atvinnulífs og samfélags er þó að mestu óskráður og það eitt að uppfylla lagakröfur kann aðeins að tryggja siðferðilegt lágmark. Til lengri tíma ætlast samfélagið til að fyrirtæki viðurkenni víðtækari skyldur sínar í samskiptum við helstu hagsmunaaðila.

3.2 Mat á kröfum hagsmunaaðila

Kenningar um hagsmunaaðila má nálgast á þrjá vegu: með lýsandi, árangursmiðaðri eða viðmiðandi nálgun. Viðmiðandi nálgun gefur víðtækasta sýn á fyrirtækið og hagsmunaaðila þess og er meginundirstaða hagsmunaaðilakenninga. Við greiningu má flokka hagsmunaaðila eftir vægi krafna þeirra, áhrifum á fyrirtækið og eðli tengslanna. Þeir geta til dæmis verið rekstrarskilyrðandi, viðmiðandi, starfrænir eða óbeint tengdir. Einnig má greina kröfur út frá fjórum tegundum almenningshópa: óviðkomandi, duldum, meðvituðum og virkum hópi. Sú flokkun ræðst af því hvort hópurinn gerir sér grein fyrir vandamáli og getur brugðist við því.

3.3 Siðferðileg ákvarðanataka og forgangsröðun hagsmunaaðila

Stjórnendur setja í forgang hagsmunaaðila sem hafa þarfir sem kalla á tafarlaus viðbrögð, gera mjög brýnar kröfur eða skipta fyrirtækið miklu máli. Hvaða hópar falla þar undir getur breyst með tímanum. Einnig má forgangsraða hagsmunaaðilum eftir tengslum þeirra við fyrirtækið með fylki yfir vald og hagsmuni. Ferli MITRE felst í að byggja upp traust, greina hagsmunaaðila, afla viðeigandi gagna og vinna úr þeim, kynna stjórnendum niðurstöðurnar og sýna hagsmunaaðilum að þeir skipti máli. Viðskiptavinir eru oft í miklum forgangi og því geta bæði fyrirtæki og félagasamtök án hagnaðarsjónarmiða þurft að stýra væntingum viðskiptavina eða gefenda.

3.4 Samfélagsábyrgð fyrirtækja (CSR)

Flest fyrirtæki þurfa að sýna samfélagsábyrgð í verki til að ná árangri á nútímamarkaði. Samkvæmt hugmyndinni um þríþættan ávinning eiga fólk og jörðin að vega jafnt og hagnaður þegar árangur fyrirtækis er metinn. Ólíkt grænþvotti felur raunveruleg samfélagsábyrgð í sér skuldbindingu gagnvart jörðinni sem hagsmunaaðila, enda er heilbrigt umhverfi til framtíðar forsenda þess að fyrirtæki geti yfirleitt starfað.