22 Hagnýting heildunar

Inngangur

Ljósmynd af Hoover-stíflunni. Stíflan er í bakgrunni og rennandi vatn í forgrunni neðan hennar. — **Mynd 2.1.** Hoover-stíflan er eitt þekktasta kennileiti Bandaríkjanna og sér milljónum manna í suðvesturhluta landsins fyrir áveituvatni og raforku úr vatnsafli. (mynd: breytt verk eftir Lynn Betts, Wikimedia)

Efnisyfirlit kaflans

2.1 Flatarmál milli ferla
2.2 Rúmmál reiknað með sneiðum
2.3 Rúmmál snúða: sívalningshylki
2.4 Bogalengd ferils og yfirborðsflatarmál
2.5 Hagnýting í eðlisfræði
2.6 Vægi og massamiðjur
2.7 Heildi, vísisföll og lograr
2.8 Vísisvöxtur og -hnignun
2.9 Stærðfræðigreining breiðbogafalla

Inngangur

Hoover-stíflan er einstakt verkfræðiafrek. Þegar Mead-vatn, miðlunarlónið ofan við stífluna, er fullt verkar mikill kraftur á stífluna. Vatnsborð í lóninu breytist hins vegar verulega vegna þurrka og breytilegrar vatnsnotkunar. Síðar í þessum kafla notum við ákveðin heildi til að reikna kraftinn sem verkar á stífluna þegar lónið er fullt og könnum hvernig breytilegt vatnsborð hefur áhrif á kraftinn (sjá dæmi 2.28).

Kraftur vegna vökvastöðuþrýstings er aðeins eitt af fjölmörgum viðfangsefnum í þessum kafla þar sem ákveðin heildi eru notuð. Ákveðin heildi eru öflugt tæki til að skilja og setja fram stærðfræðileg líkön af heiminum í kringum okkur, hvort sem um er að ræða rúmfræðilega hagnýtingu, svo sem útreikning yfirborðsflatarmáls og rúmmáls, eðlisfræðilega hagnýtingu, svo sem útreikning massa og vinnu, eða líkön af vexti og hnignun.