Spurningar til gagnrýninnar hugsunar

Lýstu nokkrum helstu munum á boðskiptaleiðum innkirtlakerfisins og taugakerfisins.

Berðu saman innkirtla og útkirtla og gerðu grein fyrir helstu líkindum og mun.

Rétt eða rangt: Taugaboðefni teljast sérstakur flokkur nærboða. Rökstyddu svarið.

Berðu saman boðferlin sem nota annars stigs boðberana cAMP og IP3.

Lýstu hvernig binding hormóns við innanfrumuviðtaka leiðir til hormónasvars.

Berðu saman líffærafræðileg tengsl fram- og afturhluta heiladinguls við undirstúku og gerðu grein fyrir muninum.

Nefndu markvefi prólaktíns.

Útskýrðu hvers vegna joðskortur hjá móður getur skert taugaþroska fósturs.

Skilgreindu ofstarfsemi skjaldkirtils og útskýrðu hvers vegna þyngdartap getur verið eitt einkenna hennar.

Lýstu hlutverki neikvæðrar afturverkunar í starfsemi kalkkirtla.

Útskýrðu hvers vegna einstaklingur með æxli í kalkkirtli getur myndað nýrnasteina.

Hver eru þrjú svæði nýrnahettubarkar og hvaða hormón mynda þau?

Hvaða lífeðlisfræðilegu afleiðingar hefði það ef ítaugun nýrnahettumergs rofnaði?

Berðu saman bráða og langvarandi streitusvörun og gerðu grein fyrir helstu líkindum og mun.

Þunglyndi með árstíðabundnu mynstri, oft kallað skammdegisþunglyndi, getur meðal annars einkennst af aukinni matarlyst, þróttleysi og aukinni syfju. Einkennin koma oftast fram að vetri, einkum þar sem vetrarnætur eru langar. Ræddu hugsanleg tengsl melatóníns og dægursveiflna við einkennin og nefndu mögulega gagnreynda meðferð án lyfja.

Retinitis pigmentosa (RP) er hópur arfgengra sjúkdóma sem valda versnandi hrörnun sjónhimnu. Lýstu hvaða áhrif slík hrörnun gæti haft á ljósstýringu melatónínseytingar.

Berðu saman hlutverk estrógena og prógesteróns og gerðu grein fyrir helstu líkindum og mun.

Lýstu hvernig relaxín, sem kemur í blóðrás einkum frá gulbúi en myndast einnig í fylgjuvef, getur stuðlað að undirbúningi líkamans fyrir fæðingu.

Hvaða lífeðlisfræðilegu afleiðingar hefði sjúkdómur sem eyddi beta-frumum brissins?

Hvers vegna er góð umhirða fóta sérstaklega mikilvæg fyrir fólk með sykursýki?

Dragðu saman hlutverk hormóna meltingarvegarins eftir máltíð.

Berðu saman hóstarkirtil á bernskuskeiði og fullorðinsárum og gerðu grein fyrir helstu líkindum og mun.

Greindu muninn á áhrifum tíðaloka og aldurstengdrar lækkunar testósteróns á frjósemi.