Beitingar- og ígrundunarspurningar

Hvernig grófu atburðir fjórtándu aldar undan stöðugleika í Evrópu?

Hvernig má bera saman þær pólitísku umbreytingar og valdkreppur sem urðu víða um Afró-Evrasíu á fjórtándu öld? Að hvaða leyti voru þær líkar og að hvaða leyti ólíkar?

Berðu saman hvernig Mongólar komu á yfirráðum sínum í Kína og hvernig þeir stofnuðu Il-khan-ríkið í Mið-Austurlöndum. Hvaða aðgerðir mongólsku landvinningamannanna á þessum svæðum voru líklegar til að vekja reiði íbúanna eða gera þá fráhverfa Mongólum? Á hvoru svæðinu voru Mongólar líklegri til að eiga friðsamleg samskipti við íbúana? Hvers vegna?

Hvaða áhrif höfðu loftslagsbreytingar á menningu og samfélag Evrópu á fjórtándu öld? Að hvaða leyti eru þessi áhrif sambærileg við áhrif loftslagsbreytinga á samfélög á tuttugustu og fyrstu öld og að hvaða leyti eru þau ólík?

Af hvaða ástæðum ferðaðist fólk eða fluttist milli svæða á fjórtándu öld? Ferðast fólk eða flyst búferlum af sömu ástæðum nú á dögum? Hvers vegna eða hvers vegna ekki?

Þótt sýklar geri ekki greinarmun á fólki eftir félagslegri stöðu eða efnahag, hvernig gætu slíkir þættir hafa haft áhrif á það fyrir daga nútímalæknisfræði hvort fólk komst í snertingu við smitsjúkdóma á borð við pestina og hversu berskjaldað það var fyrir þeim? Hvaða áhrif hafa þessir þættir nú á líkurnar á að fólk smitist af smitsjúkdómum?

Margir hafa borið heimsfaraldur COVID-19 saman við kýlapestarfaraldurinn á fjórtándu öld. Hvaða líkindi eru með faröldrunum og hvað greinir þá að? Að hvaða leyti er heimur nútímans betur í stakk búinn til að takast á við heimsfaraldra?

Voru pólitískar, félagslegar og trúarlegar breytingar fjórtándu aldar óhjákvæmilegar? Hvers vegna eða hvers vegna ekki?

Ef þú hefðir verið bóndi í Afró-Evrasíu á fjórtándu öld, hvernig heldur þú að þú hefðir skýrt umrótið sem orðið hafði á ævi þinni?