Verkefni

Heilsulind Andreu hefur tekið upp slakandi ilmmeðferð og biður ykkur að finna það verð sem hámarkar hagnað. Fyrstu tveir dálkar töflu 10.5 sýna verð og magn á eftirspurnarferli meðferðarinnar, en sá þriðji sýnir heildarkostnað. Allar fjárhæðir eru í þúsundum króna. Reiknið heildartekjur (TR), jaðartekjur (MR), meðaltal heildarkostnaðar (ATC), jaðarkostnað (MC) og hagnað fyrir hvert framleiðslumagn. Hvert er hagnaðarhámarkandi magn, hvaða verð samsvarar því og hve mikill er hámarkshagnaðurinn?

Verð	Magn	Heildarkostnaður (TC)
25	0	130
24	10	275
23	20	435
22,5	30	610
22	40	800
21,6	50	1.005
21,2	60	1.225

María og Róbert eru einu ræktendurnir sem selja lífrænt ræktaðar kartöflur til matvöruverslunar á staðnum. Ef þau vinna sjálfstætt hagnast hvort um sig um 100 þúsund krónur. Dragi þau bæði úr framleiðslu geta þau hækkað verðið og hagnast hvort um sig um 150 þúsund krónur. Dragi aðeins annað þeirra úr framleiðslu fær það engan hagnað, en hitt nær öllum markaðnum og hagnast um 200 þúsund krónur. Tafla 10.6 sýnir valkostina; allar fjárhæðir í henni eru í þúsundum króna. Hver er besta svörun Róberts ef hann veit að María velur B og dregur úr framleiðslu? Hvað ætti María að velja ef hún býst við að Róbert vinni sjálfstætt? Finnið ráðandi leikáætlun hvors þeirra, niðurstöðu vanda fangans og þá niðurstöðu sem hámarkar samanlagðan hagnað þeirra. A = Vinna sjálfstætt; B = Samstarf og minni framleiðsla. Í hverjum reit er hagnaður Róberts talinn fyrst og hagnaður Maríu síðan.

	María
A	B
Róbert	A	(100, 100)	(200, 0)
B	(0, 200)	(150, 150)

Anna og Bjarni eru handtekin vegna gruns um bankarán. Lögreglan yfirheyrir þau sitt í hvoru lagi og býður hvoru þeirra vægari dóm gegn því að játa og gefa upplýsingar um hitt. Játi þau bæði fær hvort þeirra 30 ára fangelsisdóm. Játi hvorugt fær hvort þeirra 20 ára dóm. Játi aðeins annað þeirra fær það 15 ára dóm, en hitt fær 35 ára dóm. Tafla 10.7 sýnir valkostina. Hvað ætti Anna að gera ef hún treystir Bjarna til að þegja? Hvað ætti hún að gera ef hún telur að hann muni játa? Hefur Anna ráðandi leikáætlun? Hefur Bjarni ráðandi leikáætlun? Hver verður líkleg niðurstaða og hvernig er hún frábrugðin sameiginlega besta kostinum? A = Játa; B = Þegja. Í hverjum reit er fangelsisdómur Önnu talinn fyrst og dómur Bjarna síðan.

	Anna
A	B
Bjarni	A	(30, 30)	(15, 35)
B	(35, 15)	(20, 20)