Fjölvalsspurningar

20.1 Segulsvið, sviðslínur og kraftur

Spurning 21. Hjá segli vísar óðal til ______.

1. svæðisins milli segulskauta segulsins
2. rýmisins umhverfis segulinn sem verður fyrir áhrifum segulsviðsins
3. svæðis inni í seglinum þar sem segulskaut einstakra atóma raðast upp
4. svæðisins þar sem segulefnið er grafið úr jörðu

Spurning 22. Á svæðinu rétt fyrir utan suðurskaut seguls ______ segulsviðslínurnar.

1. vísa frá suðurskautinu
2. fara í kringum suðurskautið
3. eru gisnari en við norðurskautið
4. vísa að suðurskautinu

Spurning 23. Hvaða jafna gefur kraftinn á hleðslu sem hreyfist í gegnum segulsvið?

1. F = qvB sin θ
2. F = IℓB sin θ
3. F = IℓB
4. F = qvB

Spurning 24. Geta segulsviðslínur skarast? Útskýrðu hvers vegna eða hvers vegna ekki.

1. Já. Segulsviðslínur geta skarast vegna þess að skurðpunktar línanna sýna hvar sviðið breytir stefnu.
2. Nei. Segulsviðslínur geta ekki skarast vegna þess að skurðpunktur myndi tákna að sviðið hefði fleiri en eina stefnu.

Spurning 25. Satt eða ósatt: Ef segull brotnar í marga litla búta hafa allir bútarnir norður- og suðurskaut.

1. Satt
2. Ósatt

20.2 Rafmótorar, rafalar og spennar

Spurning 26. Rafall ______.

1. er rafall sem gengur fyrir rafmagni
2. þarf að vera snúið með handafli
3. breytir öðrum orkugjöfum í rafafl
4. notar segulmagn til að búa til rafeindir

Spurning 27. Uppspennir eykur ______.

1. spennu frá raflínum til notkunar á heimilum
2. straum frá raflínum til notkunar á heimilum
3. straum frá rafal til flutnings eftir raflínum
4. spennu frá raforkuveri til flutnings eftir raflínum

Spurning 28. Hvaða áhrif hefði það á kraftvægi rafmótors að tvöfalda breidd straumlykkjunnar í mótornum?

1. Kraftvægið helst óbreytt.
2. Kraftvægið tvöfaldast.
3. Kraftvægið fjórfaldast.
4. Kraftvægið helmingast.

Spurning 29. Hvers vegna eru spólur spennis vafðar um lykkju úr járnseglandi efni?

1. Segulsviðið frá frumspólunni helst inni í kjarnanum og styrkur þess eykst.
2. Segulsviðið frá frumspólunni dreifist og styrkur þess eykst.
3. Segulsviðið frá frumspólunni helst inni í kjarnanum og styrkur þess minnkar.
4. Segulsviðið frá frumspólunni dreifist og styrkur þess minnkar.

20.3 Rafsegulspan

Spurning 30. Hvaða stærð er táknuð með skammstöfuninni emf í enskum textum?

1. rafhreyfikraftur, það er íspenna
2. rafhreyfingarkraftur
3. rafsegulstuðull
4. rafeindasegulstuðull

Spurning 31. Hvaða formúla gefur segulflæði?

1. μ₀I/(2πr)
2. qvB sin θ
3. −NΔΦ/Δt
4. BA cos θ

Spurning 32. Hvert er sambandið milli fjölda vafninga í segulspólu og íspennunnar sem spanast í henni vegna breytingar á segulflæði í gegnum spóluna?

1. Spanaða íspennan er í öfugu hlutfalli við fjölda vafninga í segulspólu.
2. Spanaða íspennan er í réttu hlutfalli við fjölda vafninga í segulspólu.
3. Spanaða íspennan er í öfugu hlutfalli við annað veldi fjölda vafninga í segulspólu.
4. Spanaða íspennan er í hlutfalli við annað veldi fjölda vafninga í segulspólu.

Spurning 33. Satt eða ósatt: Ef stangarsegli er sleppt í gegnum koparrör spanast rafstraumur í rörinu.

1. Ósatt
2. Satt