Inngangur

Yfirlit kafla

• 20.1 Segulsvið, sviðslínur og kraftur
• 20.2 Mótorar, rafalar og spennar
• 20.3 Rafsegulspan

Inngangur

Stuðningur við kennara

Spyrjið nemendur hvað þeir vita um segla. Ræðið um pólana tvo á seglum sem ýmist dragast hvor að öðrum eða hrinda hvor öðrum frá sér. Bendið á að segulkraftur verkar í fjarlægð, líkt og rafstöðukrafturinn sem fjallað var um áður.

Rifjið upp raftvískaut og rafsviðið sem þau mynda. Leggið áherslu á að tvískaut hafa tvær hleðslur, eða póla, og að þessir pólar hrinda frá sér eða draga að sér sams konar eða gagnstæðan pól annars tvískauts. Ræðið einnig hvernig raftvískaut stilla sér samsíða rafsviðslínum.

Þú gætir hafa kynnst seglum fyrst sem barn að leik með segulleikföng eða ísskápssegla. Þá tókstu líklega eftir því að tveir seglar sem hrinda hvor öðrum frá sér dragast að hvor öðrum ef öðrum þeirra er snúið við.

Krafturinn sem verkar yfir loftbilið milli segla er sami krafturinn og skapar undur á borð við norðurljósin. Segulhrif koma raunar víða við í lífi okkar, allt frá rafmótorum til læknisfræðilegrar myndgreiningar og tölvuminnis. Í þessum kafla kynnumst við seglum, lærum hvernig þeir virka og skoðum hvernig segulsvið og rafstraumar verka saman.