Stutt svör

Útskýrðu hvers vegna jafn ólíkir leiðtogar og Hitler og Jesús Kristur teljast báðir hafa notið náðarvalds.

Hvers vegna viðurkennir fólk leiðtoga sem njóta hefðarvalds þótt þeir hafi takmarkaða möguleika á að knýja fram vilja sinn?

Leiðtogar sem njóta náðarvalds eru meðal áhugaverðustu persóna sögunnar. Veldu einn þeirra til að kynna þér betur og leitaðu upplýsinga um viðkomandi á netinu. Skrifaðu síðan málsgrein þar sem þú lýsir þeim persónulegu eiginleikum sem urðu undirstaða áhrifa leiðtogans og tekur mið af samfélagslegum aðstæðum þegar hann kom fram.

Telur þú að Bandaríkin séu orðin fámennisstjórn? Rökstyddu svarið.

Útskýrðu muninn á einveldi og einræði.

Í hvaða stjórnarformi hefur almenningur minnst pólitískt vald? Hvaða leiðir gætu borgarar engu að síður haft til að beita pólitísku valdi undir slíku stjórnarfari?

Ef hlutfall Bandaríkjamanna af asískum uppruna á Bandaríkjaþingi er mun lægra en hlutfall þeirra meðal íbúa landsins, merkir það að hópinn skorti pólitískt vald? Rökstyddu svarið.

Útskýrðu hvernig þjóðfélagsstétt kjósanda getur haft áhrif á kosningahegðun viðkomandi.

Hvernig geta bandarískir borgarar haft áhrif á stjórnmálaferli og niðurstöður þeirra með öðrum hætti en að kjósa? Hvaða þessara leiða hefur þú nýtt?

Nefndu eitt atriði sem virknihyggja hefur verið gagnrýnd fyrir.

Útskýrðu merkingu hugtaksins valdakjarni. Fjallaðu bæði um þá merkingu sem C. Wright Mills lagði upphaflega í hugtakið og eigin skilning á því.