33 Siðferðileg og samfélagsleg ábyrgð frumkvöðla
Lykilhugtök
Lykilhugtök
- festuaðferðir
- í siðferðilegu samhengi ferli þar sem siðferði er gert að grunnstoð fyrirtækis svo að lykilsjónarmið siðferðis séu höfð að leiðarljósi við ákvarðanatöku
- samkeppnislög
- lög sem koma í veg fyrir að fyrirtæki misnoti stöðu sína eða vald á markaði með því að útiloka keppinauta eða takmarka aðgang þeirra að markaðnum
- viðskiptasiðferði
- hegðun fyrirtækja og fulltrúa þeirra sem felst í að þau fylgja lögum og virða réttindi hagsmunaaðila, einkum viðskiptavina, starfsfólks, nærsamfélags og umhverfis
- hagsmunaárekstur
- aðstæður þar sem einstaklingur eða skipulagsheild á hagsmuna að gæta á fleiri en einu sviði og hagsmunirnir rekast á
- höfundarréttur
- einkaréttur höfundar til að afrita verk sitt, yfirleitt í tiltekinn tíma
- samfélagsábyrgð fyrirtækja
- starfsháttur þar sem fyrirtæki lítur á sig í víðara samhengi sem þátttakanda í samfélaginu sem ber óbeinar samfélagslegar skyldur og ábyrgð á áhrifum sínum á umhverfislega og samfélagslega velferð
- hönnunareinkaleyfi
- verndar hönnun vöru
- upplýsingagjöf
- miðlun nauðsynlegra staðreynda og upplýsinga um málefni á gagnsæjan hátt og sannleikanum samkvæmt
- fjölbreytileiki
- þátttaka ólíks starfsfólks án tillits til þátta á borð við kynþátt, trú, kyn, fötlun, kynhneigð, kynvitund, félags- og efnahagsstöðu eða menningarlegan bakgrunn
- umhverfismiðuð frumkvöðlastarfsemi
- frumkvöðlaverkefni sem beinast að því að greina umhverfisvanda og skapa vöru eða ferli til að leysa hann
- siðferði
- hegðunarviðmið sem við setjum okkur í einkalífi og starfi
- sanngirni
- óhlutdræg fylgni við reglur og viðmið um það sem er réttlátt, rétt og sanngjarnt
- heilindi
- fylgni við siðferðisreglur sem felur í sér áreiðanleika og óspillanleika vegna þess að orð og athafnir fara saman
- hugverk
- lögvernduð afurð skapandi vinnu sem felst í að þróa einstaka hugmynd í vöru eða þjónustu
- fordómar
- hugsunarháttur eða framkoma gagnvart starfsfólki sem hyglar einum einstaklingi eða hópi á kostnað annars, yfirleitt með ósanngjörnum hætti
- samfélagsleg frumkvöðlastarfsemi
- frumkvöðlaverkefni sem beinast að því að greina samfélagslegan vanda og skapa vöru eða ferli til að leysa hann
- sjálfbærni
- sú framkvæmd að varðveita auðlindir og haga starfsemi þannig að hún sé vistfræðilega ábyrg til langs tíma
- viðskiptaleyndarmál
- eigin upplýsingar, ferli eða önnur innri þekking sem stuðla að samkeppnisforskoti skipulagsheildar á markaði
- vörumerki
- skráning sem veitir eiganda rétt til að nota heiti, tákn, hljóðmerki eða persónu með tiltekinni vöru eða þjónustu og kemur í veg fyrir að aðrir noti sömu auðkenni til að selja vörur sínar
- sannsögli
- undirliggjandi staðreyndir, veruleiki og gögn um málefni
- einkaleyfi á hagnýtri uppfinningu
- verndar hugmyndir að vörum