Umræðuspurningar

Hvernig má flétta siðferðileg hugtök á borð við sannsögli og sanngirni inn í alla starfsemi skipulagsheildar?

Hvernig getum við ræktað umhverfi þar sem sérhver einstaklingur innan skipulagsheildarinnar þroskar og tileinkar sér siðferðisáttavita?

Leggðu mat á hvernig sprotafyrirtæki gæti haft ávinning af því að samkeppnislögum sé framfylgt gagnvart stórum keppinauti.

Ræddu hvernig hugverk á borð við vörumerki geta aukið virði smáfyrirtækis. Hvernig myndir þú vernda möguleika þína á að afla tekna af hugverkum?

Í þessum hluta kaflans er dæmi um að tölvuinnbrot hafi leitt til leka á upplýsingum um viðskiptavini. Ræddu mestu áhættuna sem fylgir því að geyma upplýsingar um viðskiptavini eða fyrirtæki á netinu. Til hvaða ráðstafana myndir þú grípa til að koma í veg fyrir gagnaleka?

Getur samfélagsfyrirtæki unnið að samfélagslegu málefni og jafnframt skilað hagnaði?

Hvernig myndir þú tryggja að skipulagsheildin læri að þróa og afhenda vörur og þjónustu sem draga úr kolefnisfótspori hennar?

Skoðaðu töflu 3.3 um fyrirtækjasvik. Hvaða fyrirtæki telur þú vera eitt versta dæmið um ósiðferðilega hegðun? Ræðst matið af því hve miklu fé var stolið, hve margir voru sviknir eða hve slóttugar aðferðirnar voru?

Ef frumkvöðull leggur áherslu á sjálfbærni og umhverfisvitund, þarf það að bitna á afkomu fyrirtækisins? Er hægt að vernda umhverfið og skila jafnframt hagnaði?

Þú hefur lært um B Corp-félög. Ef þú stofnaðir nýtt fyrirtæki, myndir þú skuldbinda þig til að gangast undir hið fremur stranga úttektarferli sem B Corp-vottun krefst? Hvers vegna eða hvers vegna ekki?

Hvernig getur frumkvöðull nýtt sem best ávinning fjölbreytts starfshóps til að skapa samkeppnisforskot?

Hvernig getur þú unnið gegn neikvæðum áhrifum hlutdrægni og fordóma í skipulagsheildinni?

Hvað myndir þú sem frumkvöðull gera til að starfsfólkið fyndi að þú metir framlag þess og að því væri frjálst að tjá sig af hreinskilni?

Útskýrðu hvers vegna eigendur ættu að láta sig fjölbreytileika varða. Hvað myndir þú gera til að stuðla að honum?

Sumir eigendur lítilla fyrirtækja hafa ekki fjárhagslegt svigrúm til að reka fullskipaða mannauðsdeild og það getur torveldað þeim að fylgja vinnulöggjöf. Til hvaða ráðstafana myndir þú grípa til að fylgja bandarískri vinnulöggjöf á alríkis- og fylkisstigi ef þú hefðir hvorki lögmann né sérfræðing í mannauðsmálum í fullu starfi hjá fyrirtækinu?