Inngangur

Góðir stjórnendur vita að skuldbinding við sjálfbærni og samfélagsábyrgð fyrirtækja (CSR) þarf að hvíla á traustum grunni. Á honum getur fyrirtækið byggt og látið skuldbindinguna ná til allrar starfseminnar. ¹ Fyrirtæki sem ætla í raun að flétta samfélagsábyrgð inn í langtímastefnu sína byrja á að leita sjónarmiða hjá stórum og fjölbreyttum hópi hagsmunaaðila. Síðan tekur við gagnsætt ferli innleiðingar, skuldbindingar og eftirfylgni. Samfélagsábyrgð er meira en enn ein stefnan; hún er hugmyndafræði sem fangar kjarna nemawashi, það er að „skjóta sterkum rótum“ (mynd 4.1). Hún sýnir jafnframt að fyrirtæki er reiðubúið að verja því fjármagni og mannauði sem þarf til að gera ábyrgðina að veruleika í stað þess að láta orðin ein duga.

Í kaflanum eru sjálfbærni og samfélagsábyrgð skoðaðar frá sjónarhóli fjölbreytts hóps hagsmunaaðila: stjórnenda, starfsfólks, fjárfesta, opinberra eftirlitsaðila, samkeppnisaðila, neytenda og annarra viðskiptavina, nærsamfélagsins og umhverfisins. Ef þú værir forstjóri, myndir þú verja þeim tíma og fjármunum sem þarf til að innleiða samfélagsábyrgð með réttum hætti? Hvers vegna kynnu sum fyrirtæki að hika við nálgun að hætti nemawashi?