2.9.9 Samantekt kennslustundar

2.9.9 • Samantekt kennslustundar

Í þessari kennslustund lærðir þú að:

• sýna lausnamengi ójöfnu með einni breytu á talnalínu.

• leysa ójöfnur með einni breytu.

• túlka lausnir ójafna með einni breytu út frá aðstæðum.

Eftirfarandi verkefni hjálpuðu þér að ná þessum markmiðum:

• 2.9.1: Að skrá lausnir ójafna

  • Í þessu verkefni rifjaðir þú upp það sem þú veist um lausnir ójafna og leiðir til að finna þær. Þar notaðir þú í fyrsta sinn heitið lausnamengi ójöfnunnar um allar lausnir hennar.

• 2.9.2: Að sýna lausnir ójafna á talnalínu

  • Í þessu verkefni lærðir þú að sýna lausnir ójafna á talnalínu. Þú lærðir einnig að setja ójöfnur fram með mengjarithætti og biltáknum. Opinn hringur táknar að endapunkturinn er ekki með í lausnamenginu, en fylltur hringur táknar að endapunkturinn er með.

    $<,>,\le ,\ge$

  • 2.9.2: Sjálfspróf

  • 2.9.2: Ítarefni

• 2.9.3: Að skilja merkingu ójöfnu

  • Í þessu verkefni túlkaðir þú ójöfnu og lausnamengi hennar út frá aðstæðum. Samhengi getur hjálpað til við að skýra hvers vegna lausnir ójöfnu eru oft sýndar sem hálflína á talnalínu. Verkefnið hvatti þig líka til að hugsa um lausnir ójöfnu út frá tengdri jöfnu.

  • 2.9.3: Sjálfspróf

  • 2.9.3: Ítarefni

• 2.9.4: Að átta sig á ójöfnum og lausnum þeirra

  • Í þessu verkefni fékkst þú annað tækifæri til að átta þig á ójöfnum og lausnum þeirra í samhengi. Samhengið styrkti hugmyndina um að lausnir ójöfnu megi sýna sem mengi punkta öðrum megin við tiltekið gildi á talnalínu.

• 2.9.5: Að bera saman jöfnur og ójöfnur

  • Í þessu verkefni þróaðir þú áfram hugmyndina um að hægt sé að leysa ójöfnu með því að leysa fyrst tengda jöfnu. Áður hafðir þú rökstutt lausnir ójöfnu í samhengi; hér færðir þú þá hugsun yfir á ójöfnu án samhengis.

  • 2.9.5: Sjálfspróf

  • 2.9.5: Ítarefni

• 2.9.6: Að nota tækni til að skoða lausnir ójafna myndrænt

  • Í þessu verkefni skoðaðir þú ójöfnu með einni breytu á annan hátt: með því að teikna gröf stæðnanna sitt hvorum megin í ójöfnunni og bera saman gildi þeirra fyrir mismunandi gildi breytunnar. Þannig sérðu fyrir hvaða gildi ójafnan er sönn.

• 2.9.7: Að finna lausnir ójafna á talnalínu

  • Í þessu verkefni valdir þú talnalínu sem sýndi rétt lausnamengi ójöfnu.

    Eftir þessi verkefni vannstu eftirfarandi æfingar:

• 2.9.8: Æfingar

  • Staðan tekin

    Á kvarðanum 1 til 5, hversu vel treystir þú þér til að vinna með námsmarkmið þessarar kennslustundar?