Spurningar til gagnrýninnar hugsunar

Gerum ráð fyrir að bæjarfélag Alphonsos hækki strætófargjaldið úr 0,50 Bandaríkjadölum í 1 Bandaríkjadal og verð á hamborgurum úr 2 í 4 Bandaríkjadali. Hvers vegna helst fórnarkostnaður strætóferða óbreyttur? Gerum einnig ráð fyrir að vikulegt ráðstöfunarfé hans hækki úr 10 í 20 Bandaríkjadali. Hvernig breyta þessar þrjár hækkanir tekjubandinu? Útskýrðu.

Í síðari heimsstyrjöldinni voru verksmiðjur Þýskalands lagðar í rúst og mannfall varð einnig mikið, bæði meðal hermanna og almennra borgara. Hvaða áhrif hafði styrjöldin á framleiðslumöguleikajaðar Þýskalands?

Framleiðsluóhagkvæmni felur augljóslega í sér sóun, því framleiðsluþættir eru nýttir þannig að minna er framleitt af vörum og þjónustu en framleiðslugeta landsins leyfir. Hvers vegna felur óhagkvæm úthlutun einnig í sér sóun?

Hvaða forsendur um hagkerfið þurfa að gilda svo ósýnilega höndin virki? Að hvaða marki standast þær forsendur í raunveruleikanum?

Búa hagfræðingar yfir sérstakri sérþekkingu til að færa fram rök sem byggjast á gildismati? Þeir hafa til dæmis sérþekkingu á að setja fram lýsandi staðhæfingar um hvað muni gerast ef tiltekinni efnahagsstefnu er beitt. En hafa þeir sérstaka sérþekkingu til að dæma hvort hrinda eigi stefnunni í framkvæmd?