Gagnrýnin hugsun

6.1 Snúningshorn og hornhraði

Spurning 10. Þegar geisli hringferils í snúningshreyfingu eykst, hvað gerist þá við bogalengdina fyrir tiltekið snúningshorn?

1. Bogalengdin er í réttu hlutfalli við geisla hringferilsins og eykst með geislanum.
2. Bogalengdin er í öfugu hlutfalli við geisla hringferilsins og minnkar með geislanum.
3. Bogalengdin er í réttu hlutfalli við geisla hringferilsins og minnkar með geislanum.
4. Bogalengdin er í öfugu hlutfalli við geisla hringferilsins og eykst með geislanum.

Spurning 11. Hugsaðu þér geisladisk sem snýst réttsælis. Hver er summa augnablikshraða tveggja punkta á sitt hvorum enda þvermálsins?

1. 2v
2. v²
3. −v
4. 0

6.2 Jöfn hringhreyfing

Spurning 12. Hverjar eru stefnur hraða og hröðunar hlutar í jafnri hringhreyfingu?

1. Hraðinn er snertilægur og hröðunin stefnir út eftir geislanum.
2. Hraðinn er snertilægur og hröðunin stefnir inn eftir geislanum.
3. Hraðinn stefnir út eftir geislanum og hröðunin er snertilæg.
4. Hraðinn stefnir inn eftir geislanum og hröðunin er snertilæg.

Spurning 13. Gerum ráð fyrir að þú sért með hlut bundinn í reipi og snúir honum yfir höfði þér í jafnri hringhreyfingu. Ef þú eykur lengd reipisins, þarftu þá að beita meiri eða minni krafti til að viðhalda sama hraða?

1. Meiri kraft þarf, því krafturinn er í öfugu hlutfalli við geisla hringferilsins.
2. Meiri kraft þarf, því krafturinn er í réttu hlutfalli við geisla hringferilsins.
3. Minni kraft þarf, því krafturinn er í öfugu hlutfalli við geisla hringferilsins.
4. Minni kraft þarf, því krafturinn er í réttu hlutfalli við geisla hringferilsins.

6.3 Snúningshreyfing

Spurning 14. Hugsaðu þér tvær skopparakringlur með mismunandi geisla. Báðar hafa sama línulega augnablikshraða við jaðarinn. Hvor skopparakringlan hefur meiri hornhraða?

1. skopparakringlan með minni geislann, því sveigjugeislinn er í öfugu hlutfalli við hornhraðann
2. skopparakringlan með minni geislann, því sveigjugeislinn er í réttu hlutfalli við hornhraðann
3. skopparakringlan með stærri geislann, því sveigjugeislinn er í öfugu hlutfalli við hornhraðann
4. skopparakringlan með stærri geislann, því sveigjugeislinn er í réttu hlutfalli við hornhraðann

Spurning 15. Manneskja reynir að lyfta steini með vogarstöng. Ef vogararmurinn er fastur og massi steinsins eykst, hvað gildir þá um kraftvægið sem þarf til að lyfta honum?

1. Það eykst, því kraftvægið er í réttu hlutfalli við massa hlutarins.
2. Það eykst, því kraftvægið er í öfugu hlutfalli við massa hlutarins.
3. Það minnkar, því kraftvægið er í réttu hlutfalli við massa hlutarins.
4. Það minnkar, því kraftvægið er í öfugu hlutfalli við massa hlutarins.