44 Sköpunargáfa, nýsköpun og uppfinningar
Lykilhugtök
Lykilhugtök
- hugstormun
- hugmyndasköpun án dóma eða andmæla með það að markmiði að skapa lausnir
- sköpunargáfa
- þróun frumlegra hugmynda
- hönnunarhugsun
- aðferð sem miðar ákvarðanir um hönnun og þróun vöru við þarfir viðskiptavinarins og felur yfirleitt í sér ferli sem byggist á samkennd til að skilgreina flókin vandamál og skapa lausnir á þeim
- dreifingargjá
- mikilvægasti vendipunktur innleiðingar, sem verður oft við lok innleiðingar fyrstu notenda áður en fyrri meirihlutinn tekur við og staðfestir í reynd hvort uppfinningin dreifist
- umbyltandi nýsköpun
- ferli sem hefur veruleg áhrif á markað með því að gera vöru eða þjónustu ódýrari eða aðgengilegri, oft fyrir tilstilli smærri fyrirtækja í atvinnugrein
- samkennd
- hæfni fólks til að skynja líðan annarra; í samhengi sköpunar, nýsköpunar og uppfinninga er hún nauðsynleg í upphafi mannmiðaðs hönnunarferlis
- hugmyndavinna
- markvisst ferli þar sem hugurinn er opnaður fyrir nýjum hugsunarleiðum sem greinast í margar áttir út frá tilteknu markmiði eða vandamáli
- stigvaxandi nýsköpun
- nýsköpun sem breytir vöru eða þjónustu sem þegar er til
- nýsköpun
- ný hugmynd, nýtt ferli eða ný vara, eða breyting á vöru eða ferli sem þegar er til
- uppfinning
- raunverulega nýstárleg vara, þjónusta eða ferli sem byggist á fyrri hugmyndum og vörum en felur í sér stórt stökk frá því sem áður þekktist
- ítrekuð þróun
- ferli þar sem uppfinningafólk og nýsköpunaraðilar eiga stöðug samskipti við hugsanlega viðskiptavini til að þróa vörur sínar og viðskiptavinahópa samtímis
- hliðræn hugsun
- frjáls og opin hugsun þar sem rótgróin mynstur röklegrar hugsunar eru markvisst höfð að engu eða þeim jafnvel ögrað
- línuleg hugsun
- röklegt ferli sem er unnið skref fyrir skref
- lágmarksstarfhæf vara (MVP)
- fyrsta útgáfa eða frumgerð vöru sem er ef til vill hvorki fáguð né fullgerð en virkar nægilega vel til að hægt sé að hefja markaðssetningu eða prófa hana með hugsanlegum notendum
- opin nýsköpun
- leit að lausnum utan skipulagsheildarinnar og öflun þeirra
- sársaukapunktur
- vandi sem fólk glímir við í tengslum við vöru eða þjónustu og unnt kann að vera að leysa með breyttri útgáfu
- brautryðjandi nýsköpun
- nýsköpun sem byggist á nýrri tækni, framförum á viðkomandi sviði eða framförum á skyldu sviði sem leiða til þróunar nýrrar vöru
- vísindaleg aðferð
- aðferð sem oftast er tengd náttúruvísindum og lýsir ferlinu við að finna svar við spurningu eða lausn á vandamáli
- notandaviðmót
- það sem notandinn sér og hefur samskipti við