Gagnrýnar hugsunarspurningar

Tilgreindu fjórar megingerðir vefja í líkamanum og lýstu helstu hlutverkum hverrar þeirra.

Okfruma er sögð alhæf vegna þess að hún myndar að lokum allar frumur líkamans, þar á meðal mjög sérhæfðar frumur taugakerfisins. Lýstu þessari þróun og ræddu þau skref og ferli sem leiða til myndunar þessara sérhæfðu frumna.

Hvert er hlutverk liðhimna?

Bygging vefjar er yfirleitt löguð að hlutverki hans. Lýstu hvernig bygging slímhúðarinnar og frumna hennar samræmist því hlutverki að taka upp næringarefni.

Eitt meginhlutverk bandvefjar er að tengja saman líffæri og líffærakerfi líkamans. Ræddu hvernig blóð gegnir þessu hlutverki.

Hvers vegna grær áverki á brjóski, einkum glærbrjóski, mun hægar en beinbrot?

Þú fylgist með frumum í ræktunarskál sem dragast sjálfkrafa saman. Þær dragast saman með mismunandi tíðni, sumar hratt en aðrar hægt. Þegar frá líður tengjast nokkrar frumur og taka að dragast saman í takt. Ræddu hvað þarna á sér stað og hvers konar frumur þú ert að skoða.

Hvers vegna er beinagrindarvöðvavefur þverrákóttur að sjá?

Hvaða formfræðilegu aðlaganir taugafrumna gera þær hæfar til að flytja taugaboð?

Hver eru hlutverk stjarnfrumna?

Hvers vegna er mikilvægt að fylgjast með auknum roða, þrota og sársauka eftir að skurðsár eða skrámusár hefur verið hreinsað og búið um það?

Aspirín er bólgueyðandi lyf sem ekki er steri (NSAID); það hamlar myndun blóðtappa og einstaklingar með hjartasjúkdóm taka það reglulega. Sterar á borð við kortisól eru notaðir til að halda sumum sjálfsofnæmissjúkdómum og alvarlegri liðagigt í skefjum með því að draga úr bólgusvarinu. Hvaða óæskilegu afleiðingu telur þú, með hliðsjón af hlutverki bólgu í viðbrögðum líkamans við sýkingu, að regluleg notkun bólgueyðandi lyfja geti haft?

Með hækkandi aldri koma fram ýmis einkenni sem smám saman geta skert færni einstaklings. Tilgreindu tvo þætti sem stuðla að þessari skerðingu og ræddu áhrif þeirra.

Ræddu þær breytingar sem verða í frumum með hækkandi aldri.