1717 Osmanar, mamlúkar og Ming-ættin
Upprifjunarspurningar
Upprifjunarspurningar
1.
Hvað gerði Osmanum kleift að koma á fót ríki sem var óháð soldánsdæmi Seljúka-Tyrkja í Rúm?
- innrás Mongóla í Anatólíu
- fólksfækkun í Serbíu af völdum kýlapestarinnar
- dauði býsanska keisarans Manúels II
- sigur Osmana í orrustunni við Kósóvó
2.
Hvaða áhrif hafði innrás Tímúrs á þróun ríkis Osmana?
- Þar sem allir synir Bayezids I féllu í orrustunni við Ankara stóð ríki Osmana eftir án valdhafa.
- Innrás Tímúrs varð til þess að lénsmenn fylktu liði Osmanum til hjálpar og styrktu þannig ríki þeirra.
- Innrás Tímúrs og ósigur Bayezids I hvöttu tyrkneska lénsmenn til að segja sig undan stjórn Osmana.
- Nauðsyn þess að endurreisa her Osmana leiddi til aukinnar skattheimtu meðal þegna ríkisins og uppreisna í kjölfarið.
3.
Hvernig brugðust Evrópumenn við því að Osmanar náðu yfirráðum yfir verslun á austanverðu Miðjarðarhafi og meðfram Silkivegunum?
- Ríki Vestur-Evrópu efndu til krossferðar til að ná verslunarleiðunum aftur undan yfirráðum Osmana.
- Kaupmenn frá Feneyjum og Genúa fögnuðu yfirráðum Osmana vegna þess að her þeirra verndaði verslunarleiðirnar og jók öryggi á þeim.
- Evrópumenn tóku að leita að sjóleið yfir úthöfin til Suður- og Austur-Asíu.
- Evrópskir kaupmenn mótmæltu skattgreiðslum til Osmana og lögðu nýjar landleiðir til Indlands og Austur-Asíu sem lágu fram hjá landsvæðum undir stjórn þeirra.
4.
Hvaða landsvæði náðu Osmanar ekki yfirráðum yfir eftir fall Býsansveldis?
- mestum hluta Suður-Grikklands
- verslunarstöðvum Genúamanna við Svartahaf
- Bosníu og Albaníu á Balkanskaga
- Suður-Ítalíu
5.
Hvernig umbreytti Masaccio evrópskri myndlist á tímum endurreisnarinnar?
- Hann var fyrsti listamaðurinn sem málaði með olíulitum.
- Hann var fyrsti listamaðurinn sem sýndi veraldleg viðfangsefni í verkum sínum.
- Hann var fyrsti listamaðurinn sem beitti línulegri fjarvídd í málverkum.
- Hann var fyrsti listamaðurinn sem málaði landslagsmyndir.
6.
Hvað af eftirfarandi var ekki mögulegt starf fyrir barn sem tekið var í devshirme?
- skrifari
- hermaður
- hallarstjórnandi
- prestur
7.
Hvaða áhrif hafði orrustan við Ankara á janissarakerfið?
- Hún sýndi að hollusta janissaraliðsins var ekki trygg og varð því til þess að kerfið leið undir lok.
- Hún varð til þess að soldánarnir leituðu til Egyptalands til að afla nýrra liðsmanna í janissarasveitirnar.
- Hún sýndi fram á hættuna af því að treysta tyrkneska aðlinum fyrir vörnum ríkisins og ýtti þannig undir þróun janissarakerfisins.
- Hún neyddi Osmana til að endurreisa janissarasveitir sínar vegna þess hve margir janissarar féllu.
8.
Hvers vegna ríkti ávallt óvissa um hver tæki við völdum í soldánsdæmi mamlúka?
- Valdið erfðist yfirleitt ekki frá soldáni til sona hans og herinn valdi venjulega nýjan soldán.
- Osmanar höfðu reglulega afskipti af vali nýs soldáns.
- Soldánar mamlúka áttu mörg börn sem börðust innbyrðis um hásætið.
- Soldánar mamlúka eignuðust sjaldan börn og því kepptu fjarskyldir ættingjar, sem áttu ekkert skýrt tilkall til hásætisins, um völdin.
9.
Hvers vegna tóku soldánar mamlúka yfirleitt vægar á uppreisnum sýrlenskra Araba en arabískra bedúína í Egyptalandi?
- Kalífinn verndaði sýrlensku Arabana.
- Mamlúkar þurftu á aðstoð sýrlenskra Araba að halda í baráttunni gegn Osmanum og Mongólum.
- Bedúínarnir ógnuðu lífi og eignum Egypta í meira mæli.
- Leiðtogar sýrlensku Arabanna höfðu sjálfir áður verið mamlúkar.
10.
Hver var meginástæðan fyrir siglingum Zheng He á fimmtándu öld?
- að sýna öðrum ríkjum mátt Kína
- að efla viðskipti milli Kína og Evrópu
- að kanna lönd Arabíuskagans
- að finna nýja verslunarleið til Indlands
11.
Hvers vegna lögðust liðsmenn í her mamlúka gegn því að aðrir en mamlúkar færu með völd?
- Þeir töldu að aðeins líffræðilegir ættingjar þeirra væru hæfir til að stjórna.
- Þeir töldu að þeir sem ekki voru mamlúkar væru ekki nægilega guðræknir.
- Þeir töldu aðeins þá sem höfðu gengist undir stranga þjálfun og verið hnepptir í ánauð verðuga þess að stjórna.
- Þeim gramdist að lúta stjórn útlendinga.
12.
Hvað af eftirfarandi var ekki dæmi um samskipti við erlend ríki á tímum Ming-ættarinnar?
- siglingar Zheng He
- átök við Mongóla
- innrásin í Víetnam
- innrásin í Japan
13.
Zhu Yuanzhang, fyrsti keisari Ming-ættarinnar, hafði samúð með fátækum. Hvað hafði hann verið á yngri árum?
- fátækur bóndi
- hirðingjahermaður
- daóískur munkur
- fræðimaður af aðalsættum
14.
Hvaða áhrif hafði skotvopnatækni á samfélagsgerð Vestur-Evrópu?
- Hún auðveldaði litlum, dreifstýrðum ríkjum að skora stærri, miðstýrð ríki á hólm.
- Hún útrýmdi hirðingjabúskap sem lífshætti í Evrópu með öllu.
- Hún gerði að lokum aðalsborna riddara úrelta í hernaði.
- Hún leiddi til þess að úrvalsstétt aðalsborinna fótgönguliða varð til.
15.
Hvað hefur ekki stuðlað að hnignun hirðingjasamfélaga?
- loftslagsbreytingar
- iðnvæðing
- viðleitni nútímaríkja til að stjórna landamærum sínum
- farsóttir
16.
Hvaða áhrif hafði skotvopnatækni á hirðingjahópa?
- Skotvopn drógu að lokum úr áhrifamætti þeirra hernaðaraðferða sem hirðingjahópar beittu helst.
- Þegar hirðingjahópar tóku upp skotvopn ógnaði það tilvist búfastra samfélaga.
- Hirðingjalíf lagðist af þegar hirðingjar tóku upp skotvopnatækni.
- Hirðingjar þurftu að greiða skatta til að standa undir herafla miðstýrðra ríkja og settust því að sem bændur.