Samantekt kafla

Samantekt kafla

4.1Gerðir samfélaga

Samfélög eru flokkuð eftir þróunarstigi og því hvernig þau nýta tækni. Lengst af sögu mannkyns bjó fólk í samfélögum fyrir iðnvæðingu, þar sem tækni var takmörkuð og vöruframleiðsla lítil. Í kjölfar iðnbyltingarinnar tóku mörg samfélög að byggja efnahagslíf sitt á vélvæddri vinnu. Það jók hagnað og skapaði skilyrði fyrir meiri félagslegan hreyfanleika. Um síðustu aldamót kom fram ný samfélagsgerð. Eftiriðnaðar- eða upplýsingasamfélag byggist á stafrænni tækni og óefnislegum gæðum.

4.2Fræðileg sjónarhorn á samfélagið

Émile Durkheim taldi að eftir því sem samfélög þróuðust færðust þau frá vélrænni samstöðu til lífrænnar samstöðu. Karl Marx skildi samfélagið sem vettvang stéttaátaka. Með uppgangi kapítalismans upplifði verkafólk firringu frá sjálfu sér og öðru fólki. Max Weber benti á að skynsemisvæðing samfélagsins gæti gengið svo langt að hún hefði skaðlegar afleiðingar.

4.3Félagsleg mótun veruleikans

Félagsleg mótun veruleikans er ein af undirstöðum samfélagsins. Hvernig við skilgreinum samfélagið hefur áhrif á það hvernig það mótast í raun. Á sama hátt mótar sýn okkar á annað fólk bæði hegðun þess og framkomu okkar við það. Við gegnum margvíslegum hlutverkum um ævina og félagsleg samskipti ráðast af því hvaða hlutverkum við gegnum, með hverjum og við hvaða aðstæður.