Kaflapróf

Hvert eftirfarandi skáldaðra samfélaga er dæmi um hirðingjasamfélag?

1. Deswan-fólkið, sem býr í litlum ættbálkum og byggir efnahag sinn á framleiðslu og verslun með vefnaðarvöru
2. Rositian-ættin, lítið bændasamfélag sem hefur búið á ættarlandi sínu öldum saman
3. Hunti-fólkið, farandhópur sem sérhæfir sig í hrossarækt og tamningu hesta
4. Amaganda-stórfjölskyldan, hópur stríðsmanna í þjónustu einnar aðalsættar

Hvaða starf er valdamikil manneskja líklegust til að gegna í upplýsingasamfélagi?

1. Hugbúnaðarverkfræðingur
2. Kolanámumaður
3. Barnabókahöfundur
4. Leiguliði sem greiðir landskuld með hluta uppskerunnar

Hvaða samfélagsgerð kom fyrst fram með fastri búsetu?

1. Iðnaðarsamfélag
2. Samfélag veiðimanna og safnara
3. Pálbúskaparsamfélag
4. Samfélag með lénsskipulagi

Hvaða samfélagsgerð einkennist líklegast af lífrænni samstöðu?

1. Samfélag veiðimanna og safnara
2. Iðnaðarsamfélag
3. Landbúnaðarsamfélag
4. Samfélag með lénsskipulagi

Samkvæmt Marx eru eigendur framleiðslutækja samfélagsins _____.

1. öreigastéttin
2. lénsmenn
3. borgarastéttin
4. siðrof

Hvert eftirfarandi dæma lýsir best hugmynd Marx um firringu frá vinnuferlinu?

1. Gjaldkeri í stórmarkaði skannar ávallt afsláttarmiða verslunarinnar á undan afsláttarmiðum framleiðenda vegna þess að henni var kennt að vinna þannig.
2. Viðskiptamaður telur sig eiga skilið launahækkun en þorir ekki að biðja yfirmann sinn um hana. Þess í stað huggar hann sig við þá hugsun að erfið vinna sé umbun í sjálfu sér.
3. Dósent óttast að hún fái ekki fastráðningu og tekur að dreifa orðrómi um samstarfsmann sinn til að bæta eigin ímynd.
4. Byggingarverkamaður missir vinnuna og ræður sig tímabundið á skyndibitastað þótt hann hafi aldrei haft áhuga á matargerð.

Vinnusiðferði mótmælenda byggist á kenningunni um forákvörðun. Samkvæmt henni ________.

1. eru góðverk í lifanda lífi eina leiðin til að tryggja sér vist í himnaríki
2. hlýtur fólk sáluhjálp aðeins með hlýðni við Guð
3. getur enginn hlotið sáluhjálp fyrr en hann tekur við Jesú Kristi sem frelsara sínum
4. hefur Guð þegar ákveðið hverjir hljóta sáluhjálp og hverjir verða fordæmdir

Hvaða félagsfræðingur gerði hugtakið járnbúrið einkum þekkt?

1. Max Weber
2. Karl Marx
3. Émile Durkheim
4. Friedrich Engels

Hugmyndir Émile Durkheims um samfélagið falla best að ________.

1. virknihyggju
2. átakakenningu
3. táknrænni samskiptahyggju
4. rökhyggju

Mary vinnur fullt starf á skrifstofu í miðborginni en ung börn hennar eru í gæslu hjá nágranna. Hún hefur nýlega frétt að sá sem annast börnin ætli að flytja úr landi. Eftir þrýsting frá öðrum hefur Mary einnig tekið að sér sjálfboðastarf í kirkjunni og í næsta mánuði flytur heilsuveil tengdamóðir hennar inn á heimili hennar. Hvað er líklegast að Mary upplifi þegar hún reynir að samræma allar þessar skyldur?

1. Hlutverkaárekstur
2. Sjálfuppfyllandi spádóm
3. Stöðuárekstur
4. Stöðuálag

Samkvæmt Peter Berger og Thomas Luckmann byggist samfélagið á ________.

1. vanabundnum athöfnum
2. stöðu
3. stofnanavæðingu
4. hlutverkatjáningu

Paco veit að konum finnst hann aðlaðandi og hefur aldrei átt erfitt með að komast á stefnumót. Þegar hann eldist litar hann þó hárið til að fela gráu hárin og klæðist fötum sem láta minna bera á því að hann hefur þyngst. Hvaða hugtak skýrir hegðun hans best?

1. hlutverkaálag
2. spegilsjálfið
3. hlutverkatjáning
4. vanabinding