Tilviksspurningar

Hópfjármögnunarvefir á borð við Kickstarter og GoFundMe veita sprotafyrirtækjum aðgang að mörgum ólíkum bakhjörlum sem geta ef til vill aðeins lagt fram lágar fjárhæðir fyrir tiltölulega litla umbun. Í tilviki iBackPack vissu þeir sem lögðu verkefninu til fé á Kickstarter lítið um rekstur fyrirtækisins eftir fjármögnunina.

1. Hvernig bitnaði skortur á eftirliti á bakhjörlunum?
2. Hvernig hefði staðan getað verið önnur ef einn viðskiptaengill hefði komið að verkefninu?

Settu þig í spor stjórnanda félagasamtaka án hagnaðarsjónarmiða, svo sem athvarfs fyrir heimilislaust fólk. Meginmarkmiðið er að hjálpa fólki sem hefur orðið fyrir áföllum að komast aftur á réttan kjöl. Fólkið hefur líklega ekki efni á að greiða fyrir dvölina eða standa með öðrum hætti undir rekstrarkostnaði athvarfsins. Því þarftu að leita annarra leiða til að greiða reikningana. Farðu á vefinn https://blog.hubspot.com/marketing/engage-major-donors-foundations-list. Hvernig gætir þú laðað gefendur að starfsemi athvarfsins?

Hugsaðu um kaffihús í nágrenni þínu eða heimsæktu það. Líttu í kringum þig og greindu þá hluti og þá starfsemi sem teljast til gjalda kaffihússins. Mundu að gjöld þess tengjast aðföngum sem eru nýtt við tekjuöflun af sölu kaffis og skyldra vara. Gleymdu ekki kostnaði sem er síður augljós; almennt fylgir hverri starfsemi fyrirtækis einhver kostnaður.