Dæmi

Dæmi

16.1 Endurkast

Dæmi 1. Sumar myndavélar með aðdráttarlinsu nota spegil í stað linsu. Hvaða sveigjuradíus þarf holspegill að hafa til að koma í stað aðdráttarlinsu með brennivíddina 0,800 m?

1. 0,400 m
2. 1,60 m
3. 4,00 m
4. 16,0 m

Dæmi 2. Hver er brennivídd snyrtispegils sem gefur stækkunina 2,00 þegar andlit manneskju er í 8,00 cm fjarlægð?

1. −16 cm
2. −5,3 cm
3. 5,3 cm
4. 16 cm

16.2 Ljósbrot

Dæmi 3. Ljósleiðari notar flintgler (n = 1,66) sem er klætt króngleri (n = 1,52). Hvert er markhornið?

1. 33,2°
2. 23,7°
3. 0,92 rad
4. 1,16 rad

Dæmi 4. Gerum ráð fyrir að myndin sýni ljósgeisla sem fer úr lofti (n = 1,0003) í gegnum króngler (n = 1,52) og ofan í vatn, líkt og ljósgeisli sem fer inn í fiskabúr.

Reiknaðu hliðrun geislans vegna glersins, Δx, ef innfallshornið er 40,0° og glerið er 1,00 cm þykkt.

1. 0,839 cm
2. 0,619 cm
3. 0,466 cm
4. 0,373 cm

16.3 Linsur

Dæmi 5. Aðdráttarlinsa myndavélar hefur stillanlega brennivídd frá 80,0 til 200 mm. Hvert er bil linsustyrksins?

1. Lægsti linsustyrkurinn er 0,05 D og hæsti linsustyrkurinn er 0,125 D.
2. Lægsti linsustyrkurinn er 0,08 D og hæsti linsustyrkurinn er 0,20 D.
3. Lægsti linsustyrkurinn er 5,00 D og hæsti linsustyrkurinn er 12,5 D.
4. Lægsti linsustyrkurinn er 80 D og hæsti linsustyrkurinn er 200 D.

Dæmi 6. Gerum ráð fyrir að aðdráttarlinsa með brennivíddina 200 mm sé notuð til að ljósmynda fjöll í 10,0 km fjarlægð. A. Hvar er myndin? B. Hver er hæð myndarinnar af 1.000 m háum kletti á einu fjallanna?

1. A. Myndin er 0,200 m sömu megin við linsuna. B. Hæð myndarinnar er −2,00 cm.
2. A. Myndin er 0,200 m hinum megin við linsuna. B. Hæð myndarinnar er −2,00 cm.
3. A. Myndin er 0,200 m hinum megin við linsuna. B. Hæð myndarinnar er +2,00 cm.
4. A. Myndin er 0,100 m sömu megin við linsuna. B. Hæð myndarinnar er +2,00 cm.