Inngangur

Inngangur

Kóralrif eru heimkynni um 25% allra sjávartegunda. Þeim stafar ógn af loftslagsbreytingum, súrnun sjávar og vatnsmengun, sem allt breytir samsetningu sjóvatnslausnarinnar. Uppleyst súrefni í sjó er lífsnauðsynlegt sjávarlífverum, en eftir því sem höfin hlýna verður súrefni torleystara. Þegar styrkur koldíoxíðs í andrúmsloftinu eykst, eykst styrkur koldíoxíðs einnig í höfunum og stuðlar þannig að súrnun sjávar. Kóralrif eru sérstaklega viðkvæm fyrir slíkri súrnun, þar sem ytri stoðgrind kóraldýra leysist upp í súrum lausnum. Athafnir manna breyta samsetningu sjávar með afrennsli frá landbúnaði og annarri mengun sem berst í höfin.

Lausnir eru afar mikilvægar fyrir ferlin sem viðhalda lífi og fyrir mörg önnur ferli sem fela í sér efnahvörf. Í þessum kafla er fjallað um eðli lausna og skoðaðir þeir þættir sem ráða því hvort lausn myndast og hvaða eiginleika hún kann að hafa. Einnig er fjallað um eiginleika kvoðulausna, þ.e. blanda sem innihalda dreifðar agnir sem eru stærri en sameindir og jónir í dæmigerðum lausnum.