Spurningar um persónulega hagnýtingu

Þú deilir helmingi erfðasamsetningar þinnar með hvoru foreldri, en þú ert eflaust mjög ólík eða ólíkur þeim báðum. Gefðu þér nokkrar mínútur til að skrifa niður hvað er líkt og hvað er ólíkt með þér og foreldrum þínum. Hvernig heldur þú að þitt einstaka umhverfi og reynsla hafi stuðlað að sumum þeim mun sem þú sérð?

Hefur þér eða einhverjum sem þú þekkir einhvern tímann verið ávísað geðlyfi? Ef svo er, hvaða aukaverkanir tengdust meðferðinni?

Vonandi stendur þú ekki daglega frammi fyrir raunverulegri líkamlegri ógn frá hugsanlegum rándýrum. Samt upplifir þú líklega þinn skerf af streitu. Hvaða aðstæður eru algengustu streituvaldar þínir? Hvað getur þú gert til að reyna að lágmarka neikvæðar afleiðingar þessara tilteknu streituvalda í lífi þínu?

Þú last um minnisskerðingu H. M. eftir að dreki og mandla voru fjarlægð báðum megin í heila hans. Hefur þú rekist á persónu í bók, sjónvarpsþætti eða kvikmynd sem var með minnisskerðingu? Hvernig líktist sú persóna H. M. og hvernig var hún ólík honum?

Í ljósi þeirra neikvæðu heilsufarslegu afleiðinga sem fylgja notkun vefaukandi stera, hvers konar sjónarmið gætu legið að baki ákvörðun einstaklings um að nota þá?