Stutt svör

Ræðið muninn á fjölda og mannþyrpingu. Nefnið dæmi um hvort tveggja. Hvað greinir þau að og hvað eiga þau sameiginlegt?

Hugsið til atviks þegar aðstæður mótuðu hegðun ykkar í mannþyrpingu. Lýsið, með dæmi úr eigin reynslu, hvernig atvikið varpar ljósi á kenninguna um sjálfsprottin viðmið.

Ræðið muninn á aðgerðamannþyrpingu og mannþyrpingum almennt. Nefnið dæmi um hvora gerð.

Ímyndið ykkur að þið séuð á mótmælafundi gegn notkun kjarnorku. Rekið framvindu þessa ímyndaða fundar stig af stigi með hliðsjón af virðisaukakenningunni og gerið ráð fyrir að öll skilyrði hennar séu uppfyllt.

Hugsið um starfsvettvang félagslegra hreyfinga sem fæst við málefni sem skiptir ykkur máli. Hvernig leitast ólík hreyfingarsamtök á vettvanginum við að fá ykkur til liðs við sig? Hvaða aðferðir höfða til ykkar og hvers vegna?

Teljið þið að samfélagsmiðlar séu mikilvægt tæki til að koma á samfélagsbreytingum? Hvers vegna eða hvers vegna ekki? Rökstyðjið skoðun ykkar.

Lýsið félagslegri hreyfingu sem er á hnignunarstigi. Hvaða málefni fæst hún við? Hvers vegna er hreyfingin komin á þetta stig?

Veljið eina af helstu félagslegu hreyfingum tuttugustu aldar, til dæmis borgararéttindahreyfinguna í Bandaríkjunum eða mótmæli Gandhis án ofbeldis á Indlandi. Hvaða áhrif hefði nútímatækni haft á hreyfinguna? Hefðu breytingarnar orðið hraðari eða hægari? Rökstyðjið skoðun ykkar.

Ræðið stafrænu gjána í samhengi við nútímavæðingu. Er ástæða til að hafa áhyggjur af tækniskorti í fátækari samfélögum? Hvers vegna eða hvers vegna ekki?

Hvora kenninguna teljið þið skýra heimshagkerfið betur: kenningu um háða þróun, sem segir að ójöfnuður á heimsvísu stafi af arðráni kjarnaríkja á jaðar- og hálfjaðarríkjum, eða nútímavæðingarkenningu? Rökstyðjið svarið og nefnið skýr dæmi.

Teljið þið að nútímavæðing sé til góðs eða ills? Rökstyðjið svarið með dæmum.