Upprifjunarspurningar

Útskýrðu í stuttu máli muninn á þremur meginsviðum siðfræðinnar: meta-siðfræði, boðandi siðfræði og hagnýtri siðfræði.

Hver er tilgangur kenningar boðandi siðfræði?

Hverjar eru þrjár meginnálganir boðandi siðfræði og hvað greinir þær að?

Hverjar eru tíu meginkenningar móismans?

Hvers vegna er hugtakið „ávinningur“ mikilvægt í móisma?

Bentham taldi ánægju aðeins geta verið mismikla. Mill taldi hana aftur á móti geta verið ólíka bæði að magni og gæðum. Hvaða gæðamun á ánægju greinir Mill?

Hvaða afleiðingar verða nytjastefnumenn að taka með í reikninginn þegar þeir meta réttmæti athafnar?

Hver er helsti munurinn á athafnanytjastefnu og reglunytjastefnu?

Hvers vegna halda skyldusiðfræðingar á borð við Kant því fram að afleiðingar ráði ekki siðferðilegu réttmæti?

Hvers vegna er góður vilji mikilvægur í siðfræði Kants?

Hvers vegna greinir Kant á milli skilyrðislausra og skilyrtra skylduboða?

Berðu saman viðhorf Kants og Ross til siðferðisreglna.

Hvers vegna taldi Ross að klassískir nytjastefnumenn og skyldusiðfræðingar einfölduðu siðferðið um of?

Hvers vegna er fyrirmyndarmanneskjan mikilvæg í dygðasiðfræði?

Útskýrðu hvers vegna konfúsíanistar telja að tengsl og félagsleg hlutverk móti siðferðilega ábyrgð fólks og skipan siðferðislífsins.

Hvers vegna er sönn vinátta mikilvægur hluti góðs eða farsæls lífs að mati Aristótelesar?

Útskýrðu hvers vegna daoismi er talinn bjóða upp á náttúrumiðaða nálgun.

Hvers vegna er kvenleiki talinn félagsleg smíð?

Hvernig hefur hefðbundin siðfræði hunsað sjónarhorn kvenna með því að gera karlmanninn að viðmiði um hina dæmigerðu manneskju?

Hvers vegna eru umhyggjutengsl höfð að siðferðilegri fyrirmynd í umhyggjusiðfræði?

Carol Gilligan greindi réttlætissjónarhornið frá umhyggjusjónarhorninu. Hvað greinir þessi sjónarhorn að?

Útskýrðu hvers vegna sumir femínistar leggja áherslu á hlutverk samtvinnunar mismunarbreyta í félagslegum tengslum og telja að taka verði mið af henni til að binda enda á ójöfnuð og vinna gegn kúgun og mismunun sem byggist á sjálfsmynd.