4.6.1 Að túlka staðhæfingar í falltáknun

Diego gengur heim úr skólanum á jöfnum hraða. Grafið sýnir fallið $d$, sem gefur fjarlægð hans frá heimilinu, í kílómetrum, þegar fjöldi mínútna frá því að hann lagði af stað úr skólanum er $m$.

Hvert er gildið $d(0)$og hvað táknar það í þessum aðstæðum?

$d(0)=\mathrm{2,25}$. Þegar 0 mínútur eru liðnar frá því að Diego lagði af stað úr skólanum er hann 2,25 kílómetra frá heimili sínu. Með öðrum orðum er skólinn hans Diego rúmlega 2 kílómetra frá heimili hans.

Hvert er gildið $d(12)=$?

$d(12)=\mathrm{0,9}$.

Hvað þýðir $d(m)=1$ í samhengi við dæmið og hvert er gildið á $m$?

$m$ er um það bil 10,5. Eftir um það bil 10,5 mínútur er Diego 1 kílómetra frá heimilinu.

Hvað þýðir $d(m)=0$ í samhengi við dæmið og hvert er gildið á $m$?

$m$ er 20. Eftir 20 mínútur er Diego 0 kílómetra frá heimilinu. Það tekur hann því 20 mínútur að ganga 2,25 kílómetra leiðina heim úr skólanum.